ބުދަ، 18 ނޮވެމްބަރު 2026
ޚަބަރު

މިއަދު ރާއްޖޭގެ ސިއްހީ ބޭނުންތަކަށް ބޮޑެތި ބަދަލުތަކެއް ދަނީ އަންނަމުން: ވަޒީރު

މިއަދު ރާއްޖޭގެ ސިއްހީ ބޭނުންތަކަށް ބޮޑެތި ބަދަލުތަކެއް ދަނީ އަންނަމުން: ވަޒީރު

ދިވެހިރާއްޖޭގެ އާބާދީގެ ދިރިއުޅުމުގެ އާދަކާދަތަކަށް އަންނަމުންދާ ބަދަލުތަކާ ގުޅިގެން، ރާއްޖޭގެ ސިއްހީ ބޭނުންތަކާއި ސިއްހީ ނިޒާމަށް ބޮޑެތި ބަދަލުތަކެއް އަންނަމުންދާ ކަމަށް ކަމާބެހޭ ވަޒީރު ވިދާޅުވެއްޖެއެވެ.

މިނިސްޓްރީ އޮފް ސްޕޯޓްސް، ފިޓްނަސް އެންޑް ރިކްރިއޭޝަންގެ ވަޒީރު ޢަބްދުﷲ ރާފިޢު ބޭއްވުނު ޚާއްސަ މަޝްވަރާ ބައްދަލުވުމެއްގައި ވާހަކަދައްކަވަމުން ވިދާޅުވީ، ޒަމާނީ ފަންނިއްޔާތާއި ބުރަ ދިރިއުޅުމުގެ ސަބަބުން ގިނަ ވަގުތު އިށީނދެގެން ތިބެންޖެހޭ އާދަތައް އިތުރުވެފައިވާ ކަމަށެވެ. މީގެ ސަބަބުން ގައިންގަޔަށް ނާރާ ބަލިތައް ދިވެހިންގެ މެދުގައި ކަންބޮޑުވާ މިންވަރަކަށް އިތުރުވަމުންދާކަން ވަޒީރު ފާހަގަކުރެއްވިއެވެ.

ސިއްހީ ވުޒާރާއިންވެސް ވަނީ ދިރިއުޅުމުގެ އާދަކާދަތައް ބަދަލުނުކޮށްފިނަމަ ރާއްޖޭގެ ސިއްހީ ނިޒާމަށް ނުކަތާވަރުވެ، މުޅި ނިޒާމު ބުރޑުވެދާނެ ކަމުގެ އިންޒާރު ދީފައެވެ. މިގޮތުން ހިތުގެ ބަލިތަކާއި، ހަކުރުބަލި އަދި ކެންސަރު ފަދަ ބަލިތަކަށް އާސަންދަ ބަޖެޓުގެ ބޮޑު ބައެއް ހޭދަކުރަންޖެހޭކަން ސަރުކާރުން ހާމަކުރެއެވެ.

ސަރުކާރުގެ އަމާޒަކީ ދުޅަހެޔޮ މުޖުތަމައެއް ބިނާކުރުމަށްޓަކައި ހަށިގަނޑު ހަރަކާތްތެރިކޮށް ބެހެއްޓުމާއި ކަސްރަތު ކުރުމުގެ ފުރުސަތުތައް ރާއްޖޭގެ ހުރިހާ ރަށެއްގައި ފުޅާކުރުމެވެ. މިގޮތުން ކޮންމެ މީހަކުވެސް އަމިއްލަ ފަރުދީ ފެންވަރުގައި ދިރިއުޅުމުގެ ވައްޓަފާޅި ރަނގަޅުކުރުމަށް އިސްކަންދިނުމަށް ވަޒީރު ވަނީ އިލްތިމާސްކުރައްވާފައެވެ