2027 ގެ ބަޖެޓަކީ 2040 ގެ ތަސައްވުރަށް ބިންގާ އަޅައި، މާލީ ދެމެހެއްޓެނިވިކަން ކަށަވަރުކޮށްދޭނެ ބަޖެޓެއް: މާލީ ވަޒީރު
އަންނަ 2027 ވަނަ އަހަރަށް ދައުލަތުން ހުށަހަޅާ ބަޖެޓުގެ މައިގަނޑު އަމާޒަކީ 2040 ވަނަ އަހަރާ ހަމައަށް ދާއިރު ދިވެހިރާއްޖެއަކީ ފުރިހަމައަށް ތަރައްގީވެފައިވާ ގައުމަކަށް ހެދުމަށް ހުރި ސިޔާސަތުތަކުގެ ބިންގާ އެޅުން ކަމަށް މާލީ ވަޒީރު ހަސަން ޒަރީރު ވިދާޅުވެއްޖެއެވެ.
މާލީ ވަޒީރު ވިދާޅުވީ، މި ބަޖެޓުގެ ތެރެއިން ގައުމުގެ މެކްރޮއިކޮނޮމިކް ސްޓެބިލިޓީ (މެކްރޯ-އިގްތިސާދީ ހަމަޖެހުން) ދަމަހައްޓާނެ ކަމަށެވެ. އަދި އޭގެ އިތުރުން، ދައުލަތުގެ ފިސްކަލް (މާލީ) ހާލަތާއި ދަރަނީގެ ދެމެހެއްޓެނިވިކަން ކަށަވަރުކުރުމަށްޓަކައި ތަންފީޒުކުރަންޖެހޭ މުހިންމު ސިޔާސަތުތަކަށް މި ބަޖެޓުގައި އެންމެ ބޮޑު އިސްކަމެއް ދެވިގެންދާނެ ކަމަށްވެސް ވަޒީރު ފާހަގަކުރެއްވިއެވެ.
ސަރުކާރުން ބަޔާންކުރާ ގޮތުގައި، 2027 ގެ ބަޖެޓު ބައްޓަންކުރެވިފައި ވަނީ ދުރުރާސްތާގެ ތަރައްގީއަށް މަގުފަހިވާނެހެން، ގައުމުގެ މާލީ އަދި ހަރަދުގެ ޑިސިޕްލިން ހިފެހެއްޓޭނެ ފަދަ ހަރުދަނާ އުސޫލުތަކެއްގެ މައްޗަށެވެ. މީގެ މައިގަނޑު ބޭނުމަކީ އިގްތިސާދީ ލޮޅުންތަކުން ސަލާމަތްވެ، ދެމެހެއްޓެނިވި ގޮތެއްގައި ގައުމުގެ އުފެއްދުންތެރިކަން ކުރިއެރުވުމެވެ.
Ads by BML
Ads by MACL
