ރާއްޖެއާއި ޗައިނާގެ ވިޔަފާރިތައް ގުޅުވައިދޭ "ސީއެމްބީޖީއޭ" ޖަމްޢިއްޔާ ރަސްމީކޮށް އިފްތިތާޙްކޮށްފި
ދިވެހިރާއްޖެއާއި ޗައިނާއާ ދެމެދު އޮންނަ ވިޔަފާރިއާއި އިޤްތިޞާދީ ގުޅުންތައް އާ ހިސާބަކަށް ގެންދިއުމަށްޓަކައި، ދެ ޤައުމުގެ އަމިއްލަ ސެކްޓަރު ގުޅުވައިދޭނެ ޚާއްޞަ މަންސައެއް ކަމަށްވާ "ޗައިނާ މޯލްޑިވްސް ބިޒްނަސް ގެޭޓްވޭ އެސޯސިއޭޝަން" ރަސްމީކޮށް އިފްތިތާޙްކޮށްފިއެވެ.
މި ޖަމްޢިއްޔާ އިފްތިތާޙްކޮށްފައިވަނީ އިއްޔެ ބޭއްވުނު "ޗައިނާ-މޯލްޑިވްސް އިންވެސްޓްމަންޓް کޯޕަރޭޝަން ފޯރަމް 2026" ގެ ތެރެއިންނެވެ. މި ޖަމްޢިއްޔާ ރަސްމީކޮށް އިފްތިތާޙްކޮށްދެއްވީ ޗައިނާއިން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު ކޮންގް ޝިއަންހuއާ އާއި CMBGA ގެ ރައީސް މުޙައްމަދު ބައްސާމް އާދަމް އެވެ.
މިއީ ދެ ޤައުމުގެ އަމިއްލަ ސެކްޓަރު ގުޅުވައިދޭނެ ޚާއްޞަ ފާލަމެއް ޤާއިމުކުރުމަށްޓަކައި ގާތްގަނޑަކަށް އަހަރެއްހާ ދުވަހު ކުރެވުނު މަސައްކަތުގެ ނަތީޖާއެވެ. މި ޖަމްޢިއްޔާގެ މައިގަނޑު އަމާޒަކީ ވިޔަފާރި، އިންވެސްޓްމަންޓް، ފަތުރުވެރިކަން އަދި ޓެކްނޮލޮޖީގެ ދާއިރާއިން ދެ ޤައުމުގެ ދެމެދުގައި އޮތް ގުޅުންތައް އިތުރަށް ވަރުގަދަކޮށް، އާ ފުރުޞަތުތައް ހޯދުމެވެ.
Ads by BMLމި ރަސްމިއްޔާތުގައި ވާހަކަދައްކަވަމުން CMBGA ގެ ރައީސް މުޙައްމަދު ބައްސާމް އާދަމް ވިދާޅުވީ، މި ޖަމްޢިއްޔާ އިފްތިތާޙްކުރެވުމަކީ ހަމައެކަނި ފެށުމެއް ކަމަށާއި، ކުރިއަށް އޮތް ތަނުގައި މައިގަނޑު އަމާޒަކީ މާނަވީ ވިޔަފާރީގެ ގުޅުންތައް ބިނާކުރުމާއި، އިންވެސްޓްމަންޓްތަކަށް މަގުފަހިކޮށްދީ ދެ ޤައުމަށް ފައިދާހުރި އަމަލީ ބައިވެރިވުންތަކަކަށް މި ފުރުޞަތުތައް ބަދަލުކުރުން ކަމަށެވެ.
ދިވެހިރާއްޖޭގައި ހެޑްކުއާޓަރު ހުންނަ އަދި ޗައިނާގެ ބެއިޖިންގްގައި އޮފީހެއް ޤާއިމުކޮށްފައިވާ CMBGA އަކީ ދެކޮޅަށް ހުޅުވިފައިވާ ދޮރާށްޓެއްގެ ގޮތުގައި މަސައްކަތްކުރާނެ ޖަމްޢިއްޔާއެކެވެ. އެގޮތުން ޗައިނާގެ އިންވެސްޓަރުން ރާއްޖޭގެ ބައިވެރިންނާ ގުޅުވައިދިނުމާއި، ވިޔަފާރި ވަފުދުތަކުގެ ދަތުރުތައް އިންތިޒާމުކުރުމާއި، މާކެޓަށް ވަނުމަށް އެހީތެރިވުމުގެ އިތުރުން، ޗައިނާގައި ފުރުޞަތުތައް ހޯދަން ބޭނުންވާ ދިވެހި ވިޔަފާރިތަކަށްވެސް އެހީތެރިކަން ފޯރުކޮށްދިނުން ހިމެނެއެވެ.
CMBGA އަކީ ދެ ޤައުމުގެ ދެމެދުގައި އިޤްތިޞާދީ އަދި ރައްޔިތުންގެ މެދުގައި އޮންނަ ގުޅުންތައް ވަރުގަދަކުރުމަށްޓަކައި ރާއްޖޭގައި ރަޖިސްޓްރީކޮށްފައިވާ ދިވެހި ޣައިރު-ސަރުކާރު ޖަމްޢިއްޔާއެކެވެ. މި ޖަމްޢިއްޔާ އުފެއްދުމުގައި މިނިސްޓްރީ އۆފް އިކޮނޮމިކް ޑިވެލޮޕްމަންޓް، ޓްރާންސްޕޯޓް އެންޑް ޓްރޭޑް އަދި އިންވެސްޓް މޯލްޑިވްސްއިން ބޮޑު އެހީތެރިކަމެއް ފޯރުކޮށްދީފައިވާކަން އެ ޖަމްޢިއްޔާއިން ފާހަގަކުރެއެވެ.
Ads by MACL
