މަސްވެރިންނަށް އަގުހެޔޮކޮށް ތެޔޮ ފޯރުކޮށްދިނުމަށް އެސްޓީއޯއިން ޤާއިމްކުރި ފުރަތަމަ ފިއުލް ޝެޑް ދުވާފަރުގައި ހުޅުވައިފި
ބޮޑު ކަންނެލީގެ މަސްވެރިންނަށް ލުއިފަސޭހަ އަދި އަގުހެޔޮ ޚިދުމަތްތަކެއް ފޯރުކޮށްދިނުމަށް ސަރުކާރުން ކުރިއަށް ގެންދާ މަޝްރޫޢުގެ ދަށުން، ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އިން ޤާއިމްކުރި ފުރަތަމަ ފިއުލް ޝެޑް ރ. ދުވާފަރުގައި ރަސްމީކޮށް ހުޅުވައި ޚިދުމަތް ދޭން ފަށައިފިއެވެ.
މި ޝެޑަކީ މަސްވެރި އުޅަނދުފަހަރަށް ކުރިމަތިވެފައިވާ ތެލުގެ އަގުގެ ގޮންޖެހުންތަކަށް ޙައްލެއް ހޯދައިދިނުމަށާއި، ޚާއްޞަކޮށް ބޮޑު ކަންނެލީގެ މަސްވެރިކަމުގައި ޙަރަކާތްތެރިވާ ފަރާތްތަކަށް ހެޔޮ އަގުގައި ތެޔޮ ލިބޭނެ އިންތިޒާމު ހަމަޖެއްސުމަށް ސަރުކާރުން ވެފައިވާ ވައުދުގެ ދަށުން ހުޅުވުނު ފުރަތަމަ މަރުކަޒެވެ. މި މަޝްރޫޢުގެ މައިގަނޑު މަޤްޞަދަކީ މަސްވެރިކަމުގެ ސިނާޢަތުގައި ޙަރަކާތްތެރިވާ އުޅަނދުފަހަރުގެ ހިންގުމުގެ ޚަރަދު ކުޑަކޮށް، މަސްވެރިންނަށް އިޤްތިޞާދީ ގޮތުން ބޮޑު ލުޔެއް ހޯދައިދިނުމެވެ.
ސަރުކާރުން ހާމަކުރައްވާފައިވާ ގޮތުގައި، ދުވާފަރުގައި މި ހުޅުވުނު ފިއުލް ޝެޑަކީ ރާއްޖޭގެ އެކި ސަރަޙައްދުތަކަށް އަމާޒުކޮށްގެން ފެށި ފުޅާ މަޝްރޫޢެއްގެ ފެށުމެކެވެ. އަދި މަސްވެރިކަން ކުރާ ބޯޓުފަހަރަށް ފަސޭހަކަމާއެކު ތެޔޮ ލިބޭނެ އިންތިޒާމު ހަމަޖެއްސުމަށްޓަކައި، ކުރިއަށް އޮތް ތަނުގައި ރާއްޖޭގެ އެކި އަތޮޅުތަކުގައި މިފަދަ އިތުރު ފިއުލް ޝެޑްތައް ޤާއިމްކުރުމުގެ މަސައްކަތް އެސްޓީއޯއާ ޙަވާލުކޮށްގެން ބާރުމިނުގައި ކުރިއަށްދާނެ ކަމަށްވެސް ކަމާބެހޭ ވުޒާރާތަކުން ބުނެއެވެ.
Ads by BMLދުވާފަރުގެ މަސްވެރިންނާއި ބޮޑު ކަންނެލީގެ މަސްވެރި ޖަމްޢިއްޔާތަކުން ވަނީ މި ޚިދުމަތް ފެށުމާއެކު، ތެޔޮ ހޯދުމަށް ކުރަންޖެހޭ ދިގު ދަތުރުތަކަށް ނިމުމެއް އައިސް، ވަގުތާއި ޚަރަދު ސަލާމަތްވެގެންދާނެތީ އެކަން ފާހަގަކޮށް އުފާ ފާޅުކޮށްފައެވެ
Ads by MACL
