ދިވެހި ކުދި ވިޔަފާރިތަކަށް ބޭރު ފައިސާއިން ސީދާ އާމްދަނީ ހޯދޭނެ މަގު ބީއެމްއެލްއިން ތަނަވަސްކޮށްދީފި
ރާއްޖޭގެ ކުދި އަދި މެދުފަންތީގެ އުފެއްދުންތެރިންނަށް ބައިނަލްއަޤުވާމީ މާކެޓުތަކުން ސީދާ ޑޮލަރުން އާމްދަނީ ލިބޭނެ ޚާއްސަ އިންތިޒާމެއް ބޭންކް އޮފް މޯލްޑިވްސް (ބީއެމްއެލް) ގެ ޕޭމަންޓް ގޭޓްވޭ މެދުވެރިކޮށް ތަޢާރަފުކޮށްފިއެވެ.
އިކޮނޮމިކް މިނިސްޓްރީއާއި ބިޒްނަސް ސެންޓަރ ކޯޕަރޭޝަން (ބީސީސީ) ގުޅިގެން ކުރިއަށްގެންދާ މި އިނިޝިއޭޓިވްގެ މައިގަނޑު މަޤްޞަދަކީ ދިވެހި އުފެއްދުންތައް ބޭރުގެ ކަސްޓަމަރުންނަށް ވިއްކައިގެން ބޭރު ފައިސާ ހޯދުމުގައި ވިޔަފާރިތަކަށް ދިމާވާ ގޮންޖެހުންތަކަށް ހައްލެއް ހޯދައިދިނުމެވެ. މި ބަދަލާއެކު، ދުނިޔޭގެ ކޮންމެ ތަނަކުން ވެސް ކާޑު މެދުވެރިކޮށް ދައްކާ ފައިސާ ސީދާ އެ ވިޔަފާރިއެއްގެ ޑޮލަރު އެކައުންޓަށް ޖަމާވަމުންދާނެއެވެ.
މި ޚިދުމަތް ބޭނުންކުރާ ވިޔަފާރިތަކަށް ޚާއްސަ ޔޫއެސްޑީ ޑެބިޓް ކާޑެއް ދޫކުރުމަށް ވަނީ ހަމަޖެހިފައެވެ. އޭގެ ސަބަބުން، ލިބޭ ޑޮލަރު މެދުވެރިކޮށް ބޭރުގެ ވިޔަފާރި މުއާމަލާތްތަކަށާއި އޮންލައިން ޚިދުމަތްތަކަށް ސީދާ ޚަރަދުކުރުމުގެ ފުރުސަތު ވިޔަފާރިވެރިންނަށް ފަހިވެގެންދާނެއެވެ.
Ads by BMLމި ޕޭމަންޓް ގޭޓްވޭގެ ޚިދުމަތަށް އެދޭ ވިޔަފާރިތަކުން ހުށަހަޅަންޖެހެނީ ބީސީސީގެ ޕޯޓަލް މެދުވެރިކޮށެވެ. ބީސީސީގެ ރިފަރަލްއާއެކު ބޭންކުން ވިޔަފާރިތަކާ ގުޅިގެން ލިޔެކިޔުންތައް ފުރިހަމަކޮށް، ރަޖިސްޓްރީ ކުރުމުގެ މަރުހަލާ ނިންމައި އެކައުންޓާ ގޭޓްވޭ ގުޅުވައިދޭނެއެވެ.
Ads by MACL
