ބޯކޮށް ވާރޭވެހި ކޮލަމާފުށީގެ ގެތަކަށް ފެންވަދެ ކަރަންޓު ކެނޑިއްޖެ
ގއ. ކޮލަމާފުއްޓަށް ބޯކޮށް ވާރޭވެހި، ރަށުގެ ގިނަ ގެތަކަކަށާއި މުއައްސަސާތަކަށް ފެންވަދެ ބޮޑެތި ގެއްލުންތަކެއް ވެއްޖެއެވެ. ފެންބޮޑުވުމުގެ ސަބަބުން ރަށުގެ ބައެއް ސަރަހައްދުތަކުން ކަރަންޓުގެ ހިދުމަތް ވެސް ވަނީ މެދުކެނޑިފައެވެ.
ހާލަތު ކޮންޓްރޯލް ކުރުމަށްޓަކައި ރަށުގެ ރައްޔިތުންނާއި ރަށު ކައުންސިލް ގުޅިގެން ފެންހިއްކުމުގެ މަސައްކަތް މިހާރު ދަނީ ކުރަމުންނެވެ. މި މަސައްކަތަށް އިތުރު އެހީތެރިކަން ފޯރުކޮށްދިނުމަށްޓަކައި އެމްއެންޑީއެފް ސަދަން އޭރިއާ ކޮމާންޑުގެ ޓީމެއް މިހާރު ދަނީ އެ ރަށަށް ދަތުރުކުރަމުންނެވެ.

އެމްއެންޑީއެފްގެ ޓީމުން އެ ރަށަށް ދަނީ ފެންހިއްކުމަށް ބޭނުންވާ ޕަންޕުތަކާއި، ގެތަކަށް ފެންވަނުން ހުއްޓުވުމަށްޓަކައި ވެލިބަސްތާ ތައްޔާރުކުރުމަށް ބޭނުންވާ ގޯނި ހިފައިގެންނެވެ.
Ads by BML
Ads by MACL
