ޑޮކްޓަރަކަށް މަރުގެ ޒިންޒާރުދިން މީހަކު 116,700 ރުފިޔާއިން ޖޫރިމަނާކޮށްފި
ތަދު ކަނޑުވާ އިންޖެކްޝަނެއް ޖަހައިނުދިނުމުން އޮމަދޫ ސިއްހީ މަރުކަޒުގެ ޑޮކްޓަރަކަށް މަރުގެ އިންޒާރުދީ، ފުލުހުންގެ މަރުކަޒުގައި އަލިފާން ރޯކޮށްލާނެ ކަމަށް ބުނެ ބިރުދެއްކި މީހަކު 116,700 (އެއްލައްކަ ސަތާރަހާސް ހަތްސަތޭކަ) ރުފިޔާއިން ޖޫރިމަނާކުރުމަށް އދ. އޮމަދޫ މެޖިސްޓްރޭޓް ކޯޓުން ހުކުމްކޮށްފިއެވެ.
ޤާނޫނުލްޢުޤޫބާތުގެ ދަށުން އަނިޔާއެއް ދީފާނެކަމުގެ ބިރުދެއްކުމުގެ ދެ ދައުވާއެއް ދައުލަތުން އުފުލި މި މައްސަލައިގައި ކުށް ސާބިތުވި މީހާގެ މައްޗަށް ކޯޓުން ފުރަތަމަ އިއްވީ ޖަލު ހުކުމްތަކެކެވެ. ނަމަވެސް، ފަހުން ވަނީ އެ ހުކުމްތައް ޖޫރިމަނާއަށް ބަދަލުކޮށްދީފައެވެ.
މި ހާދިސާ 2024 ވަނަ އަހަރު ހިނގަން މެދުވެރިވީ ކަރަށް ނާރެއް އަރައިގެން ސިއްހީ މަރުކަޒަށް ދިއުމުން، ތަދު ކަނޑުވާ އިންޖެކްޝަނެއް ޖަހައިދިނުމަށް ބިދޭސީ ޑޮކްޓަރު ދެކޮޅު ހެދުމުންނެވެ. އެކަމާ ރުޅިގަދަވެގެން އޭނާ ވަނީ ޑޮކްޓަރު ދިރިއުޅޭ ގެ ކައިރިއަށް ގޮސް ހަމަނުޖެހުން ހިންގައި، މަރާލާނެ ކަމަށް ބުނެ އިންޒާރު දීފައެވެ.
Ads by BMLމި މައްސަލަ ހައްލުކުރުމަށް އެ ސަރަހައްދަށް ދިޔަ ފުލުހުން އޭނާއަށް ނަސޭހަތްތެރިވުމުން، ރަށުގެ ޕޮލިސް ޕޯސްޓުގައި އަލިފާން ރޯކޮށްލާނެ ކަމުގެ އިންޒާރުވެސް އޭނާ ވަނީ ފުލުހުންނަށް ދީފައެވެ.
ޝަރީއަތުގެ މަޖިލީހުގައި އޭނާ ބުނެފައިވަނީ އަޑުގަދަކުރެވުނީ އަޅަމުންދިޔަ ވޭނަށް ކެތްނުކުރެވިގެން ކަމަށާއި، އެ ވަގުތު ހުރީ މަސްތުގެ ހާލަތުގައި ކަމަށެވެ.
މި މައްސަލައިގައި ކޯޓުން ނިންމެވީ ފުލުހުންނަށް ބިރުދެއްކި މައްސަލައިގައި ކަނޑައެޅި އެއް އަހަރާއި ހަ މަސް ދުވަހުގެ ޖަލު ހުކުމް 112,200 ރުފިޔާގެ ޖޫރިމަނާއަކަށް ބަދަލުކުރުމަށެވެ. އަދި ޑޮކްޓަރަށް އިންޒާރުދިން މައްސަލައިގައި ކަނޑައެޅި 22 ދުވަހުގެ ޖަލު ހުކުމް 4,500 ރުފިޔާއަށް ބަދަލުކުރުމާއެކު، ޖުމްލަ 116,700 ރުފިޔާ ދައުލަތަށް ދެއްކުމަށް ވަނީ ހުކުމްކޮށްފައެވެ.
Ads by MACL
