ކ. ގުޅީ ސްކޫލް ތަރައްޤީކުރުން: ރޫފް ބީމްގެ މަސައްކަތް ފެށިގެން ކުރިއަށް!
ކ. ގުޅީ ސްކޫލްގައި 6 ކްލާސްރޫމާއި މަލްޓި-ޕާޕަސް ހޯލެއް ބިނާކުރުމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ކުރިއަށްގެންދާ މަޝްރޫޢުގެ މަސައްކަތްތައް ހަލުވިކަމާއެކު ކުރިއަށްދާކަން އެ ކުންފުނިން ހާމަކޮށްފިއެވެ.
އެމްޓީސީސީން ހިއްސާކުރި މި މަޝްރޫޢުގެ އެންމެ ފަހުގެ ތަފްޞީލްތަކުގައިވާ ގޮތުން، މިހާރު ކުރިއަށްދަނީ އިމާރާތުގެ ރޫފް ބީމް ރީއިންފޯސްމަންޓް (ފުރާޅުގެ ބީމްތައް ވަރުގަދަކުރުން) ގެ މަސައްކަތްތަކެވެ. މި މަޝްރޫޢަކީ ގުޅީ ސްކޫލްގެ ޖާގައިގެ ދަތިކަން ހައްލުކޮށް، ދަރިވަރުންނަށް ފަހި ތަޢުލީމީ މާޙައުލެއް ޤާއިމުކޮށްދިނުމަށްޓަކައި ކުރިއަށްގެންދާ މުހިންމު މަޝްރޫޢެކެވެ.
"ރައްޔިތުންގެ ކުންފުނި" ގެ ޝިއާރުގެ ދަށުން ޤައުމު ބިނާކުރުމުގެ ގިނަ މަޝްރޫޢުތަކެއް ރާއްޖޭގެ އެކި ކަންކޮޅުތަކުގައި ހިންގަމުންދާ އެމްޓީސީސީން ބުނީ، މަޝްރޫޢުގެ ހުރިހާ މަސައްކަތްތަކެއްވެސް ކަނޑައެޅިފައިވާ ތާވަލާ އެއްގޮތަށް ނިންމާލުމަށް ކުންފުނީގެ ޓީމުން މެދުނުކެނޑި މަސައްކަތް ކުރަމުންދާ ކަމަށެވެ.
Ads by BMLމި މަޝްރޫޢާ ގުޅޭ އިތުރު ތަފްޞީލްތަކާއި އެންމެ ފަހުގެ އަޕްޑޭޓްތައް އެމްޓީސީސީގެ ރަސްމީ ޕްރޮޖެކްޓް ޕޯޓަލް (http://projects.mtcc.com.mv) މެދުވެރިކޮށް ބަލާލެވޭނެއެވެ.
Ads by MACL
