ބުދަ، 18 ނޮވެމްބަރު 2026
ޚަބަރު

ރާއްޖޭގައި ހުޅުވާ އެންމެ ކޮލިޓީ މޮޅު އައިނު ފިހާރަ އައިޖީއެމްއެޗުން މި މަހު 27 ގައި ހުޅުވަނީ

ރާއްޖޭގައި ހުޅުވާ އެންމެ ކޮލިޓީ މޮޅު އައިނު ފިހާރަ އައިޖީއެމްއެޗުން މި މަހު 27 ގައި ހުޅުވަނީ

ރާއްޖޭގައި މިހާތަނަށް ހުޅުވާ އެންމެ ކޮލިޓީ މޮޅު އައިނު ފިހާރަ މި މަހުގެ 27 ވަނަ ދުވަހު ހުޅުވަން އައިޖީއެމްއެޗުން ތައްޔާރުވެއްޖެއެވެ.

އެ ހޮސްޕިޓަލްގެ އޮފިޝަލަކު ވިދާޅުވީ އައިނު ފިހާރަ ހުޅުވުމަށް ވާންޖެހޭ އެންމެ ފަހުގެ ތައްޔާރީތައް ވަމުން އަންނަ ކަމަށެވެ.

އައިޖީއެމްއެޗުން އައިނު ފިހާރައެއް ހުޅުވަން ނިންމީ ރައީސް ޑރ. މުހައްމަދުގެ އިރުޝާދުގެ ދަށުންނެވެ. އެމަނިކުފާނު އެ ނިންމުން ނިންމެވީ ކޮލިޓީ މޮޅު އައިނު ހެޔޮއަގުގައި ރައްޔިތުންނަށް ފޯރުކޮށްދިނުމުގެ ގޮތުންނެވެ.

ރައީސް މުއިއްޒުގެ އެންގެވުމަށް އާސަންދަ އިން ވަނީ އައިނު ހެއްދުމަށް ކޮންމެ ދެ އަހަރަކުން އެއް އަހަރު ދޭ ފައިސާގެ އެހީ 2000 ރުފިޔާއަށް ބޮޑުކޮށްފައެވެ.

އާސަންދައިން ދޭ އެހީ ބޮޑުކުރުމުން އައިނު ވިއްކާ އަމިއްލަ ކުންފުނިތަކުން އައިނުގެ އަގު ކުރިއަށްވުރެ ބޮޑުކޮށް، އާސަންދައިން ލިބޭ 2000 ރުފިޔާ އާއި ކަސްޓަމަރުންގެ އަތުން ލިބޭ ފައިސާއާ އެކު ބޮޑު ފައިދާއެއް އައިނަކުން ނަގަމުން ކަމަށް ބުނެ ބައެއް ފަރާތްތަކުން ކަންބޮޑުވުންފާޅުކޮށްފައިވެއެވެ.

"އަޅުގަނޑުމެން ދޭ ޔަގީންކަމަކީ އައިޖީއެމްއެޗުން ވިއްކާ އައިނު ކޮލިޓީވާނެކަން. އަގުހެޔޮވާނެކަން. އަޅުގަނޑުމެން އައިނު ވިއްކަން މި ފެށީ ވިޔަފާރިކޮށްގެން ފައިދާ ހޯދާކަށް ނޫން. ރައްޔިތު މީހާއަށް އަތްފޯރާ ފަށެއްގައި އައިނު ލިބޭނެ ގޮތް ހަމަޖައްސަން ވެގެން،" އައިޖީއެމްއެޗްގެ އޮފިޝަލަކު ވިދާޅުވިއެވެ.