ބުދަ، 18 ނޮވެމްބަރު 2026
ޚަބަރު

މިނިވަން ދުވަހުގެ ރޭ ހަތަކުން 11:30 އަށް ޓެކްސީއާ ޕްރައިވެޓް ކާރުތަކަށް އެއާޕޯޓަށް ނުވަދެވޭނެ

ވެލާނާ އިންޓަނޭޝަނަލް އެއާޕޯޓު (ވީއައިއޭ)ގެ އައު ޓާމިނަލް، ފޮޓޯ: ދިޔަރެސް| އަބާން
ވެލާނާ އިންޓަނޭޝަނަލް އެއާޕޯޓު (ވީއައިއޭ)ގެ އައު ޓާމިނަލް، ފޮޓޯ: ދިޔަރެސް| އަބާން

މިނިވަން ދުވަހުގެ ރޭ 7:00 އިން 11:30 އާ ދެމެދު ޓެކްސީތަކަށާއި ޕްރައިވެޓް ކާރުތަކަށް ވެލާނާ އިންޓަނޭޝަނަލް އެއާޕޯޓަށް (ވީއައިއޭ) އަށް ނުވަދެވޭ ގޮތަށް ހަމަޖައްސާފައިވާ ކަމަށް ފުލުހުން ބުނެފިއެވެ.

ފުލުހުން މިގޮތަށް ނިންމާފައިވަނީ ވީއައިއޭގެ އާ ޓާމިނަލް ހުޅުވުމަށް އެރޭ ބާއްވާ ޚާއްސަ ރަސްމިއްޔާތާ ގުޅިގެން ސަލާމަތީ ފިޔަވަޅުތައް ވަރުގަދަކުރުމުގެ ގޮތުންނެވެ.

މިނިވަން ދުވަހުގެ ރޭ ބާއްވާ މި ކުލަގަދަ ރަސްމިއްޔާތުގައި އިންޑިއާގެ ބޮޑުވަޒީރު ނަރެންދުރަ މޯދީ ބައިވެރިވެވަޑައިގަންނަވާނެއެވެ. އެހެންކަމުން، ރަސްމިއްޔާތު ކުރިއަށްދާ ވަގުތުތަކުގައި އެއާޕޯޓް ޕޮލިސް ޕޯސްޓް ސަރަހައްދުން ފެށިގެން އެތެރެއަށް އަމިއްލަ ވެހިކަލްތަކާއި ޓެކްސީތަކަށް ދަތުރުކުރުން މަނާވާނެއެވެ.

ވީމާ، މި ވަގުތުތަކުގައި އެއާޕޯޓަށް ދަތުރުކުރާ އާންމުން މިކަމަށް ސަމާލުވެ، ދަތުރުތައް ރޭވުމުގައި މި ބަދަލަށް އަމަލުކުރުމަށް ފުލުހުން އިލްތިމާސްކުރެއެވެ. މިކަމުގެ ސަބަބުން ދަތިތަކެއް ދިމާވެދާނެތީ އެކަމަށް ފުލުހުން ވަނީ މައާފަށް އެދިފައެވެ.