ރަޝިޔާއަށް ބާރުގަދަ ބިންހެލުމެއް، ޖަޕާނަށް ސުނާމީ، ދިވެހިރާއްޖެއަށް ނުރައްކަލެއް ނެތް
ރަޝިޔާގެ އިރުމަތީ ސަރަޙައްދަށް މިއަދު އައި 8.8 މެގްނިޓިއުޑްގެ ބާރުގަދަ ބިންހެލުމަކާ ގުޅިގެން ޖަޕާނަށާއި ރަޝިޔާގެ ބައެއް ސަރަޙައްދުތަކަށް ސުނާމީގެ އަސަރުކޮށްފިއެވެ. ނަމަވެސް، މި ބިންހެލުމުގެ ސަބަބުން ދިވެހިރާއްޖެއަށް އެއްވެސް ނުރައްކަލެއް ކުރިމަތިނުވާނެ ކަމަށް ކަމާބެހޭ އިދާރާތަކުން ވަނީ ކަށަވަރުކޮށްދީފައެވެ.
މި ބިންހެލުމުގެ މަރުކަޒު ހުރީ ރަޝިޔާގެ އިރުމަތީ ސަރަޙައްދުގައި، ޕެސިފިކް ކަނޑުގައެވެ. ރިކްޓަރ މިންގަނޑުން 8.8 ގެ ބާރުމިނުގައި އައި މި ބިންހެލުމަކީ ފަހުގެ ތާރީޚެއްގައި މި ސަރަޙައްދަށް އައި އެންމެ ބާރުގަދަ އެއް ބިންހެލުން ކަމަށް ބައިނަލްއަޤްވާމީ މީޑިއާތަކުން ރިޕޯޓުކުރެއެވެ.
ބިންހެލުމަށްފަހު، ޕެސިފިކް ކަނޑުގައި އުފެދުނު ސުނާމީގެ ރާޅުތައް ވަނީ ޖަޕާނުގެ އުތުރުގެ އައްސޭރިފަށަށާއި، ރަޝިޔާގެ ބައެއް ރަށްތަކަށް އަރާފައެވެ.
Ads by BMLމި ސަރަޙައްދުތަކުން މީހުން ވަނީ ރައްކާތެރި ހިސާބުތަކަށް ބަދަލުކޮށް، ސުނާމީގެ އިންޒާރު ދީފައެވެ. އަދި ބައެއް ސަރަޙައްދުތަކަށް ކޮންމެވެސް ވަރެއްގެ ގެއްލުންތަކެއް ލިބިފައިވާ ކަމަށް ރިޕޯޓުތައް ބުނެއެވެ.
Ads by MACL
