ރިސޯޓުތަކުން 50 މިލިއަން ޑޮލަރު މާރުކޮށްފި، ރަސްމީ ރިޒާވް 708 މިލިއަނަށް!
ޓޫރިޒަމް ވިޔަފާރިތަަކަށް ލިބޭ ޑޮލަރު އާމްދަނީ މާރުކުރުން ލާޒިމްކުރާ ގަވާއިދުގެ ދަށުން, މިދިިޔަ އޮކްޓޫބަރުގައި ލިބުނު އާމްދަނީން 50 މިލިއަން ޑޮލަރު މާރުކޮށްފައިވާ ކަމަށް މަރުކަޒީ ބޭންކު, އެމްއެމްއޭއިން މިރޭ ހާމަކޮށްފި އެވެ.
އެމްއެމްއޭއިން ބުނި ގޮތުގައި މިދިޔަ މަސް ނިމުނުއިރު, ރަސްމީ ރިޒާވުގައި 708.1 މިލިއަން ޑޮލަރު ހުއްޓެވެ.
މިއީ މިދިޔަ އަހަރު ނިމުނުއިރު ރިޒާވުގައި ހުރި ވަރަށް ވުރެ ފަސް ޕަސެންޓު އިތުރު އަދަދެއް ކަމަށް އެެމްއެމްއޭއިން ބުންޏެވެ. އަދި މީގެ މައިގަނޑު ސަބަބަކީ މިިދިޔަ މަހު ރިޒާވުން ހަރަދު ކުރި މިންވަރަށް ވުރެ ލިބިފައިވާ އަދަދު އިތުރުވުން ކަމަށް ވެސް އެ އިދާރާއިން ބުނެފައިވެ އެވެ.
Ads by BMLޑޮލަރު ރިޒާވު އިތުރުވީ ސަބަބުތަކުގެ ތެރޭގައި މިދިޔަ މަހު ޓެކުހާއި ފީގެ ގޮތުގައި ސަރުކާރަށް ލިބިފައިވާ ބޭރުފައިސާގެ މިންވަރު ވަނީ ނިމުނު ޑިސެމްބަރަށް ވުރެ 12 ޕަސެންޓު އިތުރުވުމާއި ބޭރު ފައިސާ ގަވާއިދުގެ ދަށުން އެމްއެމްއޭއަށް ލިބުނު ފައިސާ އިތުރުވުން ހިމެނެ އެވެ.
އެމްއެމްއޭއިން ބުނީ, ޓޫރިޒަމް ދާއިރާގައި ހަރަކާތްތެރިވާ ވިޔަފާރިތަކުން ބޭންކުތަކަށް 50 މިލިއަން ޑޮލަރަށް ވުރެ އިތުރަށް މާރުކުރިއިރު, 90 ޕަސެންޓު ރިސޯޓުތަކުން ގަވާއިދަށް ބޯލަނބަމުންދާ ކަމަށެވެ.
Ads by MACL
