ބުދަ، 18 ނޮވެމްބަރު 2026
ޚަބަރު

އާއިލާއާއިއެކު ރައީސް ރަސްފަންނުގައި

އާއިލާއާއިއެކު ރައީސް ރަސްފަންނުގައި

އާއިލާއި އެކު ރައީސުލް ޖުމްހޫރިއްޔާ ރަސްފަންނަށް ވަޑައިގެންފިއެވެ.

ރައީސް ވަޑައިގެންނެވީ އަނބިކަނބަލުން މެޑަމް ސާޖިދާ އަދި ހަނގު ދަރިފުޅު ގޮވައިގެންނެވެ.

ރައީސް ޑރ. މުޢިއްޒުގެ ދެކަނބަލުން ހަގު ދަރިކަލުންނާއެކު ރަސްފަންނަށް ވަޑައިގަތީ ނުރަސްމީ ގަޑީގައި އާއިލާއެކު ވަގުތު ހޭދަކުރެއްވުމުގެ ގޮތުންނެވެ.

ރަސްފަންނު ސަރަހައްދުގައި ހުރި އާންމު މީހަކު ވިދާޅުވީ ރައީސް ކުއްލިއަކަށް އާއިލާއާއިއެކު ރަސްފަންނުން ފެނުމުން ލިބުނީ ކުއްލި ހައިރާންކަމެއް ކަމަށެވެ. އަދި ރައީސުންނަށް ވެސް އާއިލާއާއި އެކު ވަގުތު ހޭދަކޮށްލުމަަށް މިފަދަ ފުރުސަތު ލިބެން ޖެހޭ ކަމަށެވެ.

ރަސްފަންނަކީ މޫދަށް އެރި އާއިލާއެކު ވަގުތު ހޭދަކުރެވޭނެ ގޮތަށް ރައީސް ޑރ. މުޢިއްޒު ހައުސިންގ މިނިސްޓަރު ކަމުގައި ހުންނެވި ދުވަސްވަރު އެމަނިކުފާނުގެ ބެއްލެވުމުގެ ދަށުން ހަދާފައިވާ ތަނެކެވެ. އެތަން ވަރަށް ގިނަ އާއްމުން ކޮންމެ ދުވަހަކުވެސް ބޭނުންކުރެއެވެ. އަދި ޚާއްސަކޮށް ރަސްމީ ބަންދު ދުވަސްތަކުގައި އާއިލާއެކު މޫދަށް އެރި ވަގުތުކޮޅެއް ހޭދަކޮށްލުމަށް މާލޭގެ މާފަންނުކޮޅުގައި އޮތް ހަމައެކަނި ތަނަކީ ވެސް ރަސްފަންނެވެ.