ސިނަމާލެ ބްރިޖް: ރާއްޖެ-ޗައިނާ ގުޅުމުގެ ދިގުދެމިގެންދާ ހެއްކެއްގެ ގޮތުގައި ރައީސް މުއިއްޒު ފާހަގަކުރައްވައިފި
ސިނަމާލެ ބްރިޖަކީ ރާއްޖެ-ޗައިނާ ގުޅުމުގެ ދިގުދެމިގެންދާ ހެއްކެއްގެ ގޮތުގައި ރައީސް މުއިއްޒު ފާހަގަކުރައްވައިފިއެވެ.
ރާއްޖެއާއި ޗައިނާއާ ދެމެދު އޮތް ގާތް ގުޅުމުގެ ރަމްޒެއް ކަމުގައިވާ ސިނަމާލެ ބްރިޖަށް ހަތް އަހަރު ފުރުމާ ގުޅިގެން، ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެފައިވަނީ، މިއީ ދެ ގައުމުގެ ގުޅުން ދިގުދެމިގެންދާނެ ކަމުގެ ހެއްކެއް ކަމަށެވެ.
ޗައިނާ ސަރުކާރުގެ އެހީތެރިކަމާއެކު ތަރައްގީކުރެވުނު މި ބްރިޖަކީ، ރާއްޖޭގެ ކުރިއެރުމަށް ހުޅުވުނު މުހިންމު ދޮރޯއްޓެއް ކަމަށް ރައީސް ވަނީ ފާހަގަކުރައްވާފައެވެ.
Ads by BMLރައީސް މުއިއްޒު ވަނީ، މި ބްރިޖް މަޝްރޫއަކީ ރާއްޖެއާއި ޗައިނާއާ ދެމެދު އޮތް އިތުބާރާއި ގުޅުމުގެ ފުރިހަމަ ރަމްޒެއް ކަމުގައި ސިފަކުރައްވާފައެވެ.
ޗައިނާއަކީ ރާއްޖޭގެ ތަރައްގީގެ ހަގީގީ ބައިވެރިއެއް ކަމުގައި ބްރިޖް ހެކިދޭ ކަމަށް ވެސް އެމަނިކުފާނު ވިދާޅުވިއެވެ.
މި ބްރިޖަކީ ރާއްޖޭގެ އިގްތިސާދީ ކުރިއެރުމަށާއި، ރައްޔިތުންގެ ދިރިއުޅުމަށް ބޮޑު ބަދަލެއް ގެނެސްދީފައިވާ މަޝްރޫއެކެވެ.
ސިނަމާލެ ބްރިޖް މަޝްރޫއަކީ ޗައިނާ ކޮމިއުނިކޭޝަންސް ކޮންސްޓްރަކްޝަން ކޮމްޕެނީ (ސީސީސީސީ) ސެކަންޑްހާބަރ އިންޖިނިއަރިން ކުންފުންޏާ ހަވާލުކޮށްގެން ކުރިއަށްގެންދިޔަ މަޝްރޫއެކެވެ.
މި ބްރިޖް ހުޅުވައި ބޭނުންކުރަން ފެށީ 2018 ވަނަ އަހަރުގައެވެ. ޗައިނާގެ ހިލޭ އެހީ ހިމެނޭ ގޮތަށް 200 މިލިއަން ޑޮލަރުގެ މި ބްރިޖަކީ، ދެ ގައުމުގެ ގުޅުމުގެ ވަރުގަދަ ހެއްކެއްގެ އިތުރުން، ރާއްޖޭގެ ބަދަހި ތަރައްގީގެ މުހިންމު ބާރެކެވެ.
Ads by MACL
