ގެއްލުނު ކޮލަމާ ބޯޓު ފެނުނުއިރު ކެޕްޓަންގެ ފުރާނަ ސަލާމަތެއް ނުކުރެވުނު!
ރެއިން ފެށިގެން ގެއްލިގެން ހޯދަމުން ދިޔަ "ކޮލަމާ" ނަމަކަށް ކިޔާ ބޯޓު މިއަދު ފެނިއްޖެއެވެ. ނަމަވެސް، އެ ބޯޓު ފެނުނުއިރު އޭގެ ކެޕްޓަންގެ ފުރާނަ ސަލާމަތްކުރެވިފައެއް ނުވެއެވެ.
ފުލުހުން ވިދާޅުވީ، ބޯޓުގެ ކެޕްޓަން ގއ. ވިލިނގިލި ހޮސްޕިޓަލަށް ގެންދިޔައިރު ވެސް އޭނާ މަރުވެފައިވާ ކަމަށް އެ ހޮސްޕިޓަލުން މައުލޫމާތު ދީފައިވާ ކަމަށެވެ.
ގއ. ކޮލަމާފުއްޓަށް ނިސްބަތްވާ "ކޮލަމާ" ބޯޓު ގެއްލިގެން ރިޕޯޓުކޮށްފައިވަނީ ލ. އަތޮޅުން ގއ. އަތޮޅަށް ދަތުރުކުރަމުން ދަނިކޮށެވެ. ބޯޓުގެ ޚަބަރެއް ނުވުމުން، އެމްއެންޑީއެފް އާއި ފުލުހުން ގުޅިގެން ރޭންސުރެ ދިޔައީ އެ ބޯޓު ހޯދުމުގެ މަސައްކަތް ކުރަމުންނެވެ.
Ads by BMLގިނަ މަސައްކަތްތަކަކަށް ފަހު ބޯޓު ފެނުމާއެކު، އޭގެ ކެޕްޓަންއަށް ފަރުވާ ދިނުމަށް ވަގުތުން ވިލިނގިލި ހޮސްޕިޓަލަށް ގެންދެވުނެވެ. އެހެންނަމަވެސް، ހޮސްޕިޓަލަށް ގެންދެވުނުއިރު ވެސް އޭނާގެ ފުރާނަ ގޮސްފައިވާކަން ވަނީ ކަށަވަރުވެފައެވެ.
މި ހިތާމަވެރި ހާދިސާއާ ގުޅިގެން ފުލުހުން ދަނީ އިތުރަށް ބަލަންޖެހޭ ކަންކަން ބަލަމުންނެވެ.
Ads by MACL
