ފީފާގެ ޓެކްނިކަލް ކޮމިޓީގެ މެމްބަރުކަން ފުރަތަމަ ލިބުނު ދިވެއްސަކަށް ތޯރިގް!
ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ގެ ރައީސް އަދި ރައްޔިތުންގެ މަޖިލިހުގެ މަހިބަދޫ ދާއިރާގެ ޕީއެންސީ މެމްބަރު އަހުމަދު ތޯރިގް (ޓޮމް) އަށް، ދިވެހި ފުޓްބޯޅަ ތާރީހުގައި ފުރަތަމަ ފަހަރަށް ފީފާގެ ޓެކްނިކަލް ޑިވެލޮޕްމަންޓް ކޮމިޓީގެ މެމްބަރުކަން ލިބިއްޖެއެވެ.
މިއީ ދިވެހި ފުޓްބޯޅައަށް ލިބުނު ބޮޑު ކުރިއެރުމެއް ކަމަށް އެފްއޭއެމްއިން ބުނެއެވެ. ޓޮމް މި މަގާމަށް އައްޔަންކުރީ މި މަހުގެ 2 ވަނަ ދުވަހު ބޭއްވި ފީފާ ކައުންސިލް ބައްދަލުވުމެއްގައެވެ. އޭނާގެ ދައުރު މި އަހަރުން ފެށިގެން 2029 ވަނަ އަހަރަށް ދެމިގެންދާނެއެވެ.
މުޅި ދުނިޔޭގެ ފުޓްބޯޅަ ތަރައްގީކުރުމުގެ ސްޓްރެޓެޖީތައް ކަނޑައެޅުމުގައި މުހިންމު ދައުރެއް އަދާކުރާ މި ކޮމިޓީގައި ޓޮމްގެ ބައިވެރިވުމާއެކު، ދިވެހި ފުޓްބޯޅައަށް ބައިނަލްއަގުވާމީ މައިދާނުގައި ރަނގަޅު ތަމްސީލެއް ލިބިގެންދާނެއެވެ. އަދި ދުނިޔޭގެ ފުޓްބޯޅަ ކުރިއެރުވުމަށް ރާއްޖެއިން އިތުރަށް ބާރުއެޅުމުގެ ފުރުސަތު ބޮޑުވެގެންދާނެ ކަމަށް އެފްއޭއެމްއިން ބުނެއެވެ.
Ads by BMLޓޮމްގެ ތަޖުރިބާ އާއި ފުޓްބޯޅައަށް ހުރި ލޯބީގެ ސަބަބުން ދިވެހި ފުޓްބޯޅައަށް އިތުރު ފަހުރާއި ކުރިއެރުން ލިބިގެންދާނެ ކަމުގެ ފުރިހަމަ ޔަގީންކަން އެ އެސޯސިއޭޝަނުން ވަނީ ދީފައެވެ.
Ads by MACL
