ބޭރު ބަސްބަހުން މުޢާމަލާތް ކުރުމުގެ ހުނަރު ދިވެހީންނަށް ދިނުމަށް މުހިއްމު އެއްބަސްވުމެއްގައި ސޮއިކޮށްފި
ބޭރު ބަސްބަހުން މުޢާމަލާތް ކުރުމުގެ ހުނަރު ދިވެހީންނަށް ދިނުމަށް މުހިއްމު އެއްބަސްވުމެއްގައި ސޮއިކޮށްފިއެވެ.
މަތީ ތަޢުލީމާއި، މަސައްކަތްތެރިކަމާއި ހުނަރުތައް ތަރައްޤީކުރުމާބެހޭ ވުޒާރާ (މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް) އާއި ދިވެހިރާއްޖޭގެ ޤައުމީ ޔުނިވަރސިޓީ އަދި ދިވެހިރާއްޖޭގެ އިސްލާމީ ޔުނިވަރސިޓީ ގުޅިގެން، ބޭރު ބަސްބަހުން މުޢާމަލާތް ކުރުމުގެ ހުނަރު ދިވެހީންނަށް އުނގަންނައިދީ ތަމްރީނުކުރުމަށް މިއަދު ވަނީ ފަހުމުނާމާއެއްގައި ސޮއިކުރެވިފައެވެ.
މި ފަހުމުނާމާގެ މައިގަނޑު މަޤްޞަދަކީ، ރާއްޖެއަށް ފަތުރުވެރިން އެންމެ ގިނައިން ޒިޔާރަތްކުރާ ޤައުމުތަކުގެ މީހުން ވާހަކަ ދައްކާ ބަސްބަހުން މުޢާމަލާތުކުރުމަށް ދިވެހީން ތަމްރީނުކުރުމެވެ.
Ads by BMLމިކަމުގެ ސަބަބުން ފަތުރުވެރިކަމުގެ ދާއިރާގައި މަސައްކަތްކުރާ ދިވެހި ރައްޔިތުންގެ ހުނަރު އިތުރުވެ، ވަޒީފާގެ އިތުރު ފުރުސަތުތައް ހުޅުވިގެންދާނެ ކަމަށް ލަފާކުރެވެއެވެ.
https://twitter.com/MoHEmv/status/1977714393849975178?ref_src=twsrc%5Etfw%7Ctwcamp%5Etweetembed%7Ctwterm%5E1977714393849975178%7Ctwgr%5E357573a3b965ac49711a1016fe5a61b8575ad43a%7Ctwcon%5Es1_&ref_url=https%3A%2F%2Fpublish.twitter.com%2F%3Furl%3Dhttps%3A%2F%2Ftwitter.com%2FMoHEmv%2Fstatus%2F1977714393849975178
މި ފަހުމުނާމާގެ ދަށުން ޖުމުލަ 625 ފުރުސަތު ދިވެހި ދަރިވަރުންނަށް ހުޅުވިގެންދާނެއެވެ. މިކަމަކީ ދިވެހި ޒުވާނުންނަށް ބައިނަލްއަޤްވާމީ ފެންވަރަށް ތަޢުލީމާއި ތަމްރީނު ލިބިގަތުމަށް ލިބޭ ރަނގަޅު ފުރުސަތެއްގެ ގޮތުގައި މަތީ ތަޢުލީމާބެހޭ ވުޒާރާއިން ފާހަގަކުރައްވައެވެ.
މިފަދަ ޕްރޮގްރާމްތަކަކީ ޤައުމީ ތަރައްޤީއަށާއި އިޤްތިޞާދަށް ވަރަށް ބޮޑު ކުރިއެރުމެއް ގެނެސްދޭނެ ކަމެއް ކަމަށްވެސް އެ ވުޒާރާއިން ވިދާޅުވެފައިވެއެވެ.
Ads by MACL
