ބުދަ، 18 ނޮވެމްބަރު 2026
ޚަބަރު

ހުޅުމާލޭގައި އިމިގްރޭޝަނުގެ ޚާއްސަ އޮޕަރޭޝަނެއް: ޤަވާޢިދާ ޚިލާފަށް އުޅުނު 12 ބިދޭސީއަކު ހައްޔަރުކޮށްފި

ހުޅުމާލޭގައި އިމިގްރޭޝަނުގެ ޚާއްސަ އޮޕަރޭޝަނެއް: ޤަވާޢިދާ ޚިލާފަށް އުޅުނު 12 ބިދޭސީއަކު ހައްޔަރުކޮށްފި

ގާނޫނާ ޚިލާފަށް ވިޔަފާރިކޮށް، ވަޒީފާ އަދާކުރާ ބިދޭސީންނަށް އަމާޒުކޮށްގެން އިމިގްރޭޝަނުން ހުޅުމާލެ ފޭސް 1 ގައި ހިންގި ޚާއްސަ އޮޕަރޭޝަނެއްގައި، ޖުމްލަ 12 ބިދޭސީއަކު އިއްޔެ ވަނީ ހައްޔަރުކޮށްފައެވެ.

މި އޮޕަރޭޝަން ކުރިއަށް ގެންގޮސްފައިވަނީ އިމިގްރޭޝަންގެ ޓާސްކްފޯސްއިން ކަމަށް އެ އިދާރާއިން އެކްސްގައި ކުރި ޕޯސްޓެއްގައި ބުނެފައިވެއެވެ.

އިމިގްރޭޝަނުން ހާމަކުރި ގޮތުގައި، ހައްޔަރުކުރެވުނު މީހުންގެ ތެރޭގައި ހިމެނެނީ ވަޒީފާ ދިން ފަރާތަށް ފިލައިގެން އުޅޭ 5 މީހުންނާއި، ބިދޭސީން ރެކްރޫޓްކޮށް އެޖެންޓުންގެ ގޮތުގައި ހަރަކާތްތެރިވަމުންދިޔަ 3 މީހުންނާއި، ދޫކޮށްފައިވާ ހުއްދައިގެ ބޭރުން މަސައްކަތްކުރަމުންދިޔަ 4 މީހުންނެވެ.

މީގެ ކުރިންވެސް އިމިގްރޭޝަނުން ވަނީ މިފަދަ އެތައް އޮޕަރޭޝަނެއް ހިންގައި، ޤާނޫނާ ޚިލާފަށް ރާއްޖޭގައި އުޅޭ ގިނަ އަދަދެއްގެ ބިދޭސީން ހައްޔަރުކޮށްފައެވެ. އިމިގްރޭޝަނުން ބުނެފައިވަނީ މިފަދަ އޮޕަރޭޝަންތައް ކުރިއަށް އޮތް ތަނުގައިވެސް ހިންގާނެ ކަމަށެވެ.