ބުދަ، 18 ނޮވެމްބަރު 2026
ޚަބަރު

މުޅިރާއްޖެއަށް މޫސުން ގޯސް: 19 މޭލާއި 24 މޭލަށް ވައިގަދަވެ، ވިލާގަނޑުގައި 45 މޭލަށް!

މުޅިރާއްޖެއަށް މޫސުން ގޯސް: 19 މޭލާއި 24 މޭލަށް ވައިގަދަވެ، ވިލާގަނޑުގައި 45 މޭލަށް!

މިހާރު ކުރަމުން މިދާ ވިއްސާރައާއި ގުޅިގެން، ރާއްޖޭގެ މޫސުމާ ބެހޭ ޤައުމީ އިދާރާ (މެޓް އޮފީސް) އިން މުޅި ރާއްޖެއަށް ވަނީ ވައިޓް އެލާޓެއް ނެރެފައެވެ. މި އެލާޓް ނެރެފައިވަނީ މިއަދު، 16 އޮކްޓޯބަރު 2025 ވާ ބުރާސްފަތި ދުވަހުގެ ރޭ 20:00 އިން މިރޭ މެންދަމު 02:00 އާ ހަމައަށެވެ.

މުޅި ރާއްޖެއަށް މޫސުން ގޯސްވެ، ވިލާގަނޑުގައި 45 މޭލަށް ވައި ގަދަވާނެ ކަމަށް ލަފާކުރެވޭތީ، މެޓް އޮފީހުން މިވަނީ ހުރިހާ ފަރާތްތަކުން ސަމާލުވުމަށް އިލްތިމާސްކޮށްފައެވެ.

https://twitter.com/MetMaldives/status/1978830308326748602?ref_src=twsrc%5Etfw%7Ctwcamp%5Etweetembed%7Ctwterm%5E1978830308326748602%7Ctwgr%5E45a536d96c478220ef737347f41164a98f80b0be%7Ctwcon%5Es1_&ref_url=https%3A%2F%2Fpublish.twitter.com%2F%3Furl%3Dhttps%3A%2F%2Ftwitter.com%2FMetMaldives%2Fstatus%2F1978830308326748602

މެޓް އޮފީހުން ބުނެފައިވާ ގޮތުގައި، މި ވަގުތުތަކުގައި ރާއްޖޭގެ އެކި ހިސާބުތަކަށް ގަޑިއަކު 19 މޭލާއި 24 މޭލާ ދެމެދުގެ ބާރު މިނުގައި ވައިޖެހޭނެއެވެ. އަދި ވިލާގަނޑުގައި 45 މޭލަށް ވައި ގަދަވާނެ ކަމަށް ލަފާކުރެވެއެވެ. އަދި މިކަމާ ގުޅިގެން ކަނޑުތައް ވެސް ވަރަށް ބޮޑަށް ގަދަވާނެ ކަމަށް ލަފާކުރެވޭތީ، ކަނޑު ދަތުރުކުރާ ފަރާތްތަކުން ވަރަށް ބޮޑަށް ސަމާލުވުމަށް އިލްތިމާސްކުރެއެވެ.

މިއަދު މޫސުން ގޯސްވެ މިހާތަނަށް ކަނޑު ދެ ހިތާމަވެރި ހާދިސާއެއް ހިނގާފައިވާކަން ފާހަގަކޮށްލެވެއެވެ. މިގޮތުން، ކޮޅުވެއްޓިއެއް އަޑިޔަށް ގޮސް އޭގައި ދަތުރުކުރި 3 މީހުން ގެނބި، އޭގެ ތެރެއިން ދެ މީހުން ވަނީ މަރުވެފައެވެ. އަނެއްމީހާ އަދިވެސް ނުފެނެއެެވެ. މީގެ އިތުރުން، މުދާއުފުލާ ދޯންޏެއް މުދަލާއެކު ކާށިދޫ ކަނޑަށް އަޑިޔަށް ގޮސްފައިވެއެވެ. މި ހާދިސާތަކަކީ ގަދަ ކަނޑުގެ ނުރައްކާތެރިކަން ހަނދާންކޮށްދޭ ކަންކަމެވެ.

މި އެލާޓްގެ ސަބަބުން ދަތުރުފަތުރުގެ ޝެޑިއުލްތަކަށް ބަދަލުތަކެއް އައުމުގެ ފުރުސަތު ބޮޑުކަމަށް މާހިރުން ލަފާކުރެއެވެ. އެހެންކަމުން، ދަތުރުކުރަން ރާވާފައިވާ ފަރާތްތަކުން އެމީހުންގެ ދަތުރުގެ އެންމެ ފަހުގެ މައުލޫމާތު ހޯދުމަށް ސަމާލުކަން ދިނުމަށް އިލްތިމާސްކުރަމެވެ. ކަނޑުދަތުރުކުރާ އެންމެހާ ފަރާތްތަކުން ވަރަށް ބޮޑަށް ސަމާލުވެ، ކޮންމެހެން ކުރަންޖެހޭ ދަތުރަކަށް ނޫނީ ކަނޑުމައްޗަށް ނޭރުމަށާއި، މޫސުމަށް ސަމާލުވުމަށް މެޓް އޮފީހުން އިލްތިމާސްކުރެއެވެ.