ބުދަ، 18 ނޮވެމްބަރު 2026
ޚަބަރު

ހުރާ ކައުންސިލް ކަޕް 2025: އަންހެން ޑިވިޝަންގެ ބެލިސިމޯ އަދި ބިއުޓީސް މެޗަށްވެސް ހަމަހަމަ ނިމުމެއް!

ހުރާ ކައުންސިލް ކަޕް 2025: އަންހެން ޑިވިޝަންގެ ބެލިސިމޯ އަދި ބިއުޓީސް މެޗަށްވެސް ހަމަހަމަ ނިމުމެއް!

މާލެ އަތޮޅު ހުރާ ކައުންސިލުން އިންތިޒާމްކޮށްގެން ބާއްވާ ހުރާ ކައުންސިލް ކަޕް 2025 ގެ އަންހެން ޑިވިޝަންގެ ބިއުޓީސް އަދި  ބެލިސިމޯ ކުޅުނު މެޗު ދެޓީމް އެއްވަރުވެގެން ނިމިއްޖެއެވެ.

ހުރާ ރަސްމީ ފުޓްސަލް ދަނޑުގައި ކުޅުނު މި މެޗު ނިމުނީ 1-1 އިން އެއްވަރު ވެގެންނެވެ. .

މެޗު ފަށައިގެން 15 މިނެޓު ތެރޭގައި ބެލިސިމޯއިން ވަނީ އެޓީމްގެ ގޯލް ކާމިޔާބުކޮށްފައެވެ. މި ގޯލު އެޓީމަށް ކާމިޔާބު ކޮށްދިނީ ބިދޭސީ ކުޅުންތެރިޔާ ސިޑްނީ ލެންކާ އެވެ.

ބިއުޓީސްގެ ގޯލު އެޓީމަށް ކާމިޔާބުކޮށްދިނީ މަރިޔަމް ނޫރާ އެވެ.

މިވަގުތު އަންހެން ޑިވިޝަންގައި ކުޅުނު ހުރިހާ މެޗެއް ނިމިގެން ދިޔައީ އެއްވެސް ބައެއް މޮޅެއް ނުވެއެވެ.

މިއަދުގެ މެޗުގެ މޮޅު ކުޅުންތެރިޔަކަށް ހޮވުނީ ބިއުޓީސްގެ މަރިޔަމް ނޫރާއެވެ.

ދެ ޖިންސަށް ހުޅުވާލައިގެން ބާއްވާ މި މުބާރާތުގައި ޖުމްލަ 13 ޓީމަކުން ވަނީ ބައިވެރިވެފައެވެ. އެއީ ފިރިހެން 10 ޓީމާއި އަންހެން 3 ޓީމެވެ.

މުބާރާތުގައި ބައިވެރިވި ފިރިހެން ޓީމްތަކަކީ ޓީމް ޖޯކާސް، އެފްސީ ބަދަވީން، ސިނަމަން ދޮންވެލި އެފްސީ، ވޭރިއަސް އެފްސީ، ބްލޫޒް އެސްސީ، ފޯޓީޓޫ އެކްސެލް، ބްލަޑް ޖޫނިއާރސް، ޓީމް ރިވަލްސް، ތްރީޑީ ސްޕޯޓްސް ކުލަބު، ފޯޓީޓޫ، އަދި ތްރީޑީ ކިންގްސް އެވެ.

އަންހެން ޓީމްތަކަކީ ފޯޓީޓޫ ގާލްސް، ބިއުޓީސް، އަދި ބެލިސިމޯއެވެ.

އަންހެން ޑިވިޝަން އެއްގުރޫޕެއްގައި ހިމެނުނު އިރު ފިރިހެން ޑިވިޝަން ކުރިއަށްދާނީ 2 ގުްރޫޕަކަށް ބަހަލައިގެންނެވެ.

މިއީ މާލެ އަތޮޅުގައި ބާއްވާ އެންމެ އަގުބޮޑު އެއް މުބާރާތެވެ. މި މުބާރާތުގެ ފިރިހެން ޗެމްޕިއަން ޓީމަށް އެއްލައްކަ ރުފިޔާގެ ފައިސާގެ އިނާމެއް ހުށައަޅާފައިވާއިރު ރަނަރަޕް ޓީމަށް ތިރީސް ހާސް ރުފިޔާގެ ފައިސާގެ އިނާމެއް ވަނީ ހުށައަޅާފައެވެ.

އަންހެން ޑިވިޝަންގެ ޗެމްޕިއަންޓީމަށް ތިރީސް ހާސް ރުފިޔާގެ ފައިސާގެ އިނާމެއް ހުށައަޅާފައިވާއިރު، ރަނަރަޕް ޓީމަށް ވަނީ ފަނަރަ ހާސް ރުފިޔާގެ ފައިސާގެ އިނާމެއް ހުށައަޅާފައެވެ.