ފޯރިގަދަ ކުޅުމަކަށްފަހު ނޮޓިންގހަމް ފޮރެސްޓާ އެއްވަރުވެ ލިވަޕޫލަށް ޕޮއިންޓަކުން ފުއްދާލަން ޖެހިއްޖެ
އިނގިރޭސި ޕްރިމިއާ ލީގުގައި ލިވަޕޫލާއި ނޮޓިންގހަމް ފޮރެސްޓް ބައްދަލުކުރި ފޯރިގަދަ މެޗު 2-2 ގެ ނަތީޖާއަކުން އެއްވަރުވެ، ދެ ޓީމުން ޕޮއިންޓް ހިއްސާކުރަން ޖެހިއްޖެއެވެ.
ލިވަޕޫލްގެ އަމިއްލަ ދަނޑު ކަމަށްވާ އެންފީލްޑްގައި ކުޅުނު މި މެޗު ފަށައިގެން ދެ ޓީމުގެ ފަރާތުންވެސް ވާދަވެރި ކުޅުމެއް ފެނިގެންދިޔައިރު، މެޗުގެ ފުރަތަމަ ލަނޑު ޖަހައި ކުރިހޯދީ ޒިޔާރަތްކުރި ނޮޓިންގހަމް ފޮރެސްޓުންނެވެ. އެގޮތުން މެޗުގެ 24 ވަނަ މިނެޓުގައި ޑޭން އެންޑޯއި ވަނީ ހިތްގައިމު ހަމަލާއަކުން ފޮރެސްޓަށް ލީޑު ނަގައިދީފައެވެ.
ފުރަތަމަ ހާފު 1-0 އިން ފޮރެސްޓް ކުރީގައި އޮވެ ނިމުނު ނަމަވެސް، ދެވަނަ ހާފަށް ނުކުމެ ލިވަޕޫލުން ވަނީ ކުޅުން ރަނގަޅުކޮށް މެޗުގެ 60 ވަނަ މިނެޓުގައި ނަތީޖާ ހަމަހަމަކޮށްފައެވެ. މި ލަނޑު ލިވަޕޫލަށް ކާމިޔާބުކޮށްދިނީ އެލެކްޒެންޑަރ އިސާކް އެވެ.
Ads by BMLނަމަވެސް، މެޗުގެ 70 ވަނަ މިނެޓުގައި ފޮރެސްޓަށް ލިބުނު ޕެނަލްޓީއަކުން މޯގަން ގިބްސް-ވައިޓް ވަނީ އަލުން އެ ޓީމަށް ކުރިހޯދައިދީފައެވެ. މި ޕެނަލްޓީއަކީ ލިވަޕޫލްގެ ގޯލްކީޕަރު އެލިސަން ބެކާ ކުރި ފައުލަކާ ގުޅިގެން ރެފްރީ ދިން ޕެނަލްޓީއެކެވެ.
ފޮރެސްޓުން ދެވަނަ ފަހަރަށް ލީޑު ނެގި ނަމަވެސް، ލިވަޕޫލުން ހިތްވަރު އެލުވާނުލައި ކުރިއަށް ޖެހި، މެޗުގެ 82 ވަނަ މިނެޓުގައި ވިކްޓަރ މުނޯޒް ވަނީ ލަނޑެއް ޖަހައި ދެވަނަ ފަހަރަށް މެޗުގެ ނަތީޖާ ހަމަހަމަކޮށްދީފައެވެ.
މެޗުގެ ފަހު ވަގުތުކޮޅުގައި ދެ ޓީމުންވެސް އިތުރު ލަނޑެއް ޖަހައި މެޗުން މޮޅުވުމަށް ގިނަ މަސައްކަތްތަކެއް ކުރި ނަމަވެސް، މެޗު ނިމިގެންދިޔައީ ދެ ޓީމު އެއްވަރުވެގެންނެވެ.
Ads by MACL
