ގައުމީ ވޮލީ މުބާރާތުގެ ފައިނަލުގެ ފުރަތަމަ ޖާގަ ވެމްކޯ ކަށަވަރު ކޮށްފި
ގައުމީ ވޮލީބޯޅަ މުބާރާތުގެ އަންހެން ޑިވިޝަނުގެ ސެމީ ފައިނަލް ދެވަނަ މެޗުގައި ކުލަބު އެމްޓީސީސީގެ މައްޗަށް 3-1 ސެޓުން ކުރިހޯދައި، ކުލަބު ވެމްކޯއިން މުބާރާތުގެ ފައިނަލުގެ ފުރަތަމަ ޖާގަ ކަށަވަރުކޮށްފިއެވެ.
ރޭ ކުޅުނު މި ފޯރިގަދަ މެޗުގެ ސެޓުތައް ވެމްކޯއިން ގެންދިޔައީ 27-29، 25-23، 26-24 އަދި 25-15 އިންނެވެ. މި ކާމިޔާބީއާއެކު، މި ސީޒަނުގެ އެސޯސިއޭޝަން ކަޕާއި ގައުމީ ވޮލީބޯޅަ ލީގުވެސް ކާމިޔާބުކޮށްފައިވާ ވެމްކޯއަށް ސީޒަނުގެ ހުރިހާ ތަށި ނެގުމުގެ ފުރުސަތު މިހާރު ވަނީ ތަނަވަސްވެފައެވެ.
މީގެއިތުރުން އިއްޔެ ހަވީރު ކުޅުނު ސެމީ ފައިނަލުގެ ފުރަތަމަ މެޗުގައި ޕޮލިސް ކުލަބުގެ މައްޗަށް 3-1 ސެޓުން ކުރިހޯދައި، ހުރާ ކޮމިއުނިޓީ ކުލަބުން ވަނީ ތިންވަނަ ސެމީ ފައިނަލުން ޖާގަ ހޯދާފައެވެ. އެ މެޗުގެ ސެޓުތައް ދިޔައީ 25-19، 27-25، 20-25 އަދި 25-22 އިންނެވެ.
Ads by BMLމި މުބާރާތުގެ ތިންވަނަ ސެމީ ފައިނަލުގައި މިރޭ ހުރާ ނުކުންނާނީ ދެވަނަ ސެމީން ބަލިވި އެމްޓީސީސީއާ ދެކޮޅަށެވެ. މިރޭގެ މެޗުން މޮޅުވާ ޓީމަކަށް ފައިނަލުގެ ދެވަނަ ޖާގަ ލިބި، ފައިނަލް މެޗުގައި ވެމްކޯއާ ދެކޮޅަށް ނުކުތުމުގެ ފުރުސަތު ލިބިގެންދާނެއެވެ.
Ads by MACL
