ބުދަ، 18 ނޮވެމްބަރު 2026
ކުޅިވަރު

2008 ވަނަ އަހަރުގެ ފަހުން ރޮނާލްޑޯ ހެޓްރިކެއް ނުހަދާ ދިޔައީ ދެ އަހަރު، މެސީ އެންމެ އަހަރެއް!

2008 ވަނަ އަހަރުގެ ފަހުން ރޮނާލްޑޯ ހެޓްރިކެއް ނުހަދާ ދިޔައީ ދެ އަހަރު، މެސީ އެންމެ އަހަރެއް!

ދުނިޔޭގެ އެންމެ މަޝްހޫރު ދެ ފުޓްބޯޅަ ކުޅުންތެރިން ކަމަށްވާ ކްރިސްޓިއާނޯ ރޮނާލްޑޯ އާއި ލިއޮނެލް މެސީގެ ކަރިއަރުގައި ހެޓްރިކް ހެދުމުގެ ރެކޯޑުތަކަށް ބަލާއިރު، 2008 ވަނަ އަހަރުގެ ފަހުން ރޮނާލްޑޯ ހެޓްރިކެއް ނުހަދާ ނިންމާލަން ޖެހުނީ އެންމެ ދެ އަހަރުގައެވެ.

ޕޯޗުގަލްގެ ކެޕްޓަން ރޮނާލްޑޯ އަލް ނަޞްރަށް ކުޅުނު މެޗުގައި އޭނާގެ ކަރިއަރުގެ 67 ވަނަ ހެޓްރިކް ފުރިހަމަކޮށްފައިވާއިރު، 2008 އިން ފެށިގެން މިހާތަނަށް އޭނާއަށް ހެޓްރިކެއް ނުހެދި ދިޔައީ 2009 އަދި 2022 ވަނަ އަހަރު އެކަންޏެވެ.

އާޖެންޓީނާގެ ކެޕްޓަން ލިއޮނެލް މެސީގެ ރެކޯޑަށް ބަލާއިރު، 2007 ވަނަ އަހަރު އޭނާގެ ފުރަތަމަ ކަރިއަރު ހެޓްރިކް ހެދި ފަހުން މިހާތަނަށް ހެޓްރިކެއް ނުހެދި ދިޔައީ އެންމެ އަހަރެކެވެ. އެއީ އޭނާ ބާސެލޯނާ ދޫކޮށް ޕެރިސް ސެއިންޓް ޖާމަން (ޕީއެސްޖީ) އަށް ބަދަލުވި 2021 ވަނަ އަހަރެވެ.

ޖުމްލަ ހެޓްރިކްގެ އަދަދަށް ބަލާއިރު 67 ހެޓްރިކާއެކު ރޮނާލްޑޯ ކުރީގައި އުޅުނު ނަމަވެސް، ކޮންމެ އަހަރަކު މެދުކެނޑުމެއް ނެތި ހެޓްރިކް ހެދުމުގެ ސިލްސިލާ ދެމެހެއްޓުމުގައި މެސީގެ ނިސްބަތް ނިސްބަތުން ރަނގަޅެވެ.

މި ދެ ކުޅުންތެރިންގެ ކަރިއަރުގެ ފަހު ދުވަސްތައް ގުނަމުންދާއިރުވެސް، ކްލަބް އަދި ގައުމީ ޓީމަށް ކުޅޭ މެޗުތަކުގައި ގޯލު ޖެހުމާއި ހެޓްރިކް ހެދުމުގައި ދެ ކުޅުންތެރިންވެސް އަންނަނީ ތާރީޚީ އާ ރެކޯޑުތަކެއް ގާއިމުކުރަމުންނެވެ.

 

ކުޅިވަރު

އިތުރަށް ←