'ޕަރަމް ސުންދަރީ' އަށް ވަރަށް ރަނގަޅު ފެށުމެއް، ފުރަތަމަ ދުވަހު 7.50 ކްރޯޑް ރުޕީސް
އިންޑިއާގެ ބޮކްސް އޮފީހުގައި 'ޕަރަމް ސުންދަރީ' ފިލްމުގެ ކާމިޔާބީ ލަފާކުރެވުނު ވަރަށްވުރެ ރަނގަޅުވެއްޖެއެވެ. ފުރަތަމަ ދުވަހުގެ އާމްދަނީގެ ގޮތުގައި 7.5 ކްރޯޑް ރުޕީސް އާއި 8 ކްރޯޑް ރުޕީސް އާ ދެމެދުގެ އަދަދެއް ލިބިފައިވާ ކަމަށް ބޮކްސް އޮފީހުގެ ކުރީގެ ލަފާތަކުން ދައްކައެވެ. މިއީ ފިލްމު ރިލީޒްކުރުމުގެ ކުރިން ލަފާކުރެވުނު 6 ކްރޯޑް ރުޕީސް އަށްވުރެ ރަނގަޅު އަދަދެކެވެ.
ސިދާތު މަލްހޯތުރާ އާއި ޖާންވީ ކަޕޫރުގެ މި ފިލްމަށް ގައުމީ މަލްޓިޕްލެކްސް ޗެއިންތަކުން 4 ކްރޯޑް ރުޕީސް ލިބިފައިވާއިރު، ބާކީ 3.50 ކްރޯޑް ރުޕީސް ލިބިފައިވަނީ ސިންގަލް ސްކްރީންތަކާއި ގައުމީ ނޫން ޗެއިންތަކުންނެވެ. 'ޕަރަމް ސުންދަރީ' އަކީ ދިނޭޝް ވިޖަންގެ ރަން ދުވެލި ކުރިއަށް ގެންދާ ފިލްމެކެވެ. އޭނާއަކީ ފާއިތުވި 3 އަހަރު ދުވަހުގެ ތެރޭގައި އެއްވެސް ގޯހެއް ހަދާފައިނުވާ މީހެކެވެ.
މި ފިލްމަށް ވަރަށް ގިނަ ބަޔަކު ރަނގަޅު ރިވިއުތައް ދީފައިވާއިރު، ބެލުންތެރިންގެ ރިއެކްޝަންތައްވެސް ހުރީ ފިލްމާ އެއްކޮޅަށެވެ. މާނައަކީ ސިދާތު މަލްހޯތުރާ އާއި ޖާންވީ ކަޕޫރަށް ކާމިޔާބީއެއް ލިބެން އުޅޭ ކަމެވެ. 'ޕަރަމް ސުންދަރީ' ގެ މިއުޒިކް ވަރަށް ކާމިޔާބުވެފައިވާއިރު، ސިދާތު މަލްހޯތުރާ އާއި ޖާންވީ ކަޕޫރުގެ ކެރިއަރުގެ އެންމެ މަތީ 5 ފިލްމުގެ ތެރޭގައި މި ފިލްމު ހިމެނެއެވެ.
Ads by BMLހޮނިހިރު އަދި އާދީއްތަ ދުވަހު ފިލްމުގެ އާމްދަނީ އިތުރުވެ، ހަފްތާ ބަންދަށްފަހު ރަނގަޅު ހާލަތެއްގައި ހުންނާނެ ކަމަށް ލަފާކުރެވެއެވެ.
Ads by MACL
