ފުޓްބޯޅަ ސީޒަން 2025/2026: އެފްއޭއެމް އެވޯޑްސް އިއުލާންކޮށްފި
ދިވެހި ފުޓްބޯޅަ އިތުރަށް ކުރިއެރުވުމާއި، ކުޅިވަރުގެ ރޫހު އާލާކުރުމުގެ މަޤްސަދުގައި ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އިން މިއަދު ފެށި 2025/2026 ވަނަ އަހަރުގެ ފުޓްބޯޅަ ސީޒަނާއެކު "އެފްއޭއެމް އެވޯޑްސް" ދިނުމަށް ރަސްމީކޮށް އިއުލާންކޮށްފިއެވެ. މި އެވޯޑްތަކުގެ މައިގަނޑު މަޤްސަދަކީ ކުޅިވަރުގެ ވާދަވެރިކަން އިތުރުކުރުމާއި، ފުޓްބޯޅައަށް ޚިދުމަތްކުރާ ފަރާތްތަކުގެ އަގު ވަޒަންކުރުމެވެ.
މި އަހަރުގެ ފުޓްބޯޅަ ސީޒަންގައި އެފްއޭއެމްއިން ދިނުމަށް ހަމަޖައްސާފައިވާ އެވޯޑްތަކުގެ ތެރޭގައި 11 ކެޓަގަރީއެއް ހިމެނެއެވެ. އެއީ:
-
އެންމެ މޮޅު ފުޓްބޯޅަ ކުޅުންތެރިޔާ: (1 ވަނަ، 2 ވަނަ އަދި 3 ވަނަ)
Ads by BML -
އެންމެ މޮޅު ފުޓްބޯޅަ ކޯޗް
-
އެންމެ މޮޅު ފުޓްބޯޅަ ކުލަބު
-
21 އަހަރުންދަށުގެ އެންމެ މޮޅު ފުޓްބޯޅަ ކުޅުންތެރިޔާ
-
ރާއްޖެއިން ބޭރުގެ އެންމެ މޮޅު ފުޓްބޯޅަ ކުޅުންތެރިޔާ
-
ރަން ބޫޓް: (އެންމެ ގިނަ ގޯލްޖެހި ކުޅުންތެރިޔާ)
-
ރަން އަންގި: (އެންމެ މޮޅު ގޯލްކީޕަރު)
-
އެންމެ މޮޅު ފުޓްބޯޅަ ރެފްރީ
-
އެންމެ މޮޅު އަންހެން ފުޓްބޯޅަ ކުޅުންތެރިޔާ
-
އެންމެ މޮޅު ފުޓްސަލް ކުޅުންތެރިޔާ
-
އެންމެ މޮޅު ގޯލް
މި އެވޯޑްތަކަކީ ދިވެހި ފުޓްބޯޅަ އަށް ލިބިގެންދާނެ ބޮޑު ކުރިއެރުމެއް ކަމަށް އެފްއޭއެމްއިން ދެކެއެވެ. އަދި މިކަމުގެ ސަބަބުން ކުޅުންތެރިންނާއި ކޯޗުންނާއި ކުލަބުތަކުގެ އިތުރުން މެޗުތަކުގައި އިންސާފުކުރާ ރެފްރީންނަށް އިތުރު ހިތްވަރެއް ލިބިގެންދާނެ ކަމަށްވެސް އެފްއޭއެމްއިން ވިދާޅުވިއެވެ.
އެފްއޭއެމްއިން ވަނީ އަލަށް ފެށި މި ފުޓްބޯޅަ ސީޒަންގައި ވާދަކުރާ ހުރިހާ ފަރާތްތަކަށް ކާމިޔާބާއި ވާދަވެރި މުބާރާތްތަކަކަށް އެދިފައެވެ.
Ads by MACL
