ބުދަ، 18 ނޮވެމްބަރު 2026
ވިޔަފާރި

ވީއައިއޭގެ ކުރީގެ އިންޓަނޭޝަނަލް ޓާމިނަލް ޑޮމެސްޓިކް ޚިދުމަތްތަކަށް ބަދަލުކުރުމުން އެތަކެއް ފަސޭހަތަކެއް

ވީއައިއޭގެ ކުރީގެ އިންޓަނޭޝަނަލް ޓާމިނަލް ޑޮމެސްޓިކް ޚިދުމަތްތަކަށް ބަދަލުކުރުމުން އެތަކެއް ފަސޭހަތަކެއް

ވެލާނާ އިންޓަނޭޝަނަލް އެއާޕޯޓުގެ އެތެރޭގެ އުދުހުންތަކުގެ ޚިދުމަތްތައް ފުޅާކޮށް، ދަތުރުވެރިންނަށް ލުއިފަސޭހަކޮށްދިނުމުގެ ގޮތުން ކުރިން ބޭނުންކުރި އިންޓަނޭޝަނަލް ޓާމިނަލް އެތެރޭގެ އުދުހުންތައް ބަދަލުކުރުމުން އެތަކެއް ލުއިފަސޭހަތަކެއް ފަސިންޖަރުންނަށް އަންނަނީ ލިބެމުންނެވެ.

މިއީ ރާއްޖޭގެ ރަށްތަކުގެ މެދުގައި ކުރެވޭ ދަތުރުފަތުރުގެ ނިޒާމަށް އަންނަމުންދާ ކުރިއެރުމާއެކު، އެއާޕޯޓުގެ ޖާގައިގެ ދަތިކަން ހައްލުކުރުމަށް އެމްއޭސީއެލް އިން އެޅި މުހިންމު ފިޔަވަޅެކެވެ. މި ބަދަލާއެކު އެތެރޭގެ އުދުހުންތަކުގެ ހުރިހާ ފްލައިޓްތަކެއްގެ ފުރައިގެންދިއުމާއި އަދި އަންނަ މީހުންގެ ޚިދުމަތްތައް އެ ޓާމިނަލަށް ބަދަލުވުމުން މީގެކުރިން ފަސިންޖަރުން އުފުލަމުން އައި ތަކުލީފުތަކަށް މިވަނީ ނިމުމެއް އައިސްފައެވެ.

ވެލާނާ އިންޓަނޭޝަނަލް އެއާޕޯޓުގައި އަލަށް ބިނާކުރެވުނު ބައިނަލްއަގުވާމީ ޓާމިނަލް ބޭނުންކުރަން ފެށުމާއެކު، ކުރީގެ ޓާމިނަލް އާ އަމާޒަކަށް ބޭނުންކުރުމުގެ ފުރުސަތު އެމްއޭސީއެލް އަށް ލިބުނެވެ. ގިނަ އަހަރުތަކެއް ވަންދެން ބައިނަލްއަގުވާމީ ދަތުރުވެރިންނަށް ޚިދުމަތްދިން އިމާރާތް، އެތެރޭގެ އުދުހުންތަކަށް ޚާއްސަކުރުމުން އެއާޕޯޓުގެ ވަސީލަތްތައް އެންމެ ހެޔޮގޮތުގައި ބޭނުންކުރެވޭނެ އިންތިޒާމު ހަމަޖެއްސުމަކީ އެ ކުންފުނީގެ މެނޭޖްމަންޓްގެ ދުރުވިސްނޭ ސިޔާސަތުގެ ނަތީޖާއެވެ.

އެތެރޭގެ އުދުހުންތައް ކުރީގެ އިންޓަނޭޝަނަލް ޓާމިނަލަށް ބަދަލުކުރުމުގެ އެންމެ ބޮޑު އެއް ބޭނުމަކީ އެއާޕޯޓުގައި ތޮއްޖެހުން ކުޑަކުރުމާއި ދަތުރުވެރިންގެ ހަރަކާތްތައް އޮމާންކޮށް ކުރިއަށްގެންދިއުމެވެ. ބައިނަލްއަގުވާމީ ދަތުރުވެރިންނާއި އެތެރޭގެ ދަތުރުވެރިން ވަކި ދެ އިމާރާތަކުން ޚިދުމަތް ހޯދުމުގެ ފުރުސަތު ލިބުމުން، ޗެކްއިންވުމާއި ސެކިއުރިޓީ ކްލިއަރެންސް ހޯދުމުގައި ހޭދަވާ ވަގުތު ކުޑަވެގެންދާނެއެވެ.

އާ ޑޮމެސްޓިކް ޓާމިނަލާއެކު ދަތުރުވެރިންނަށް ލިބޭ ޚިދުމަތްތަކުގެ ފެންވަރު ވަނީ މަތިކުރެވިފައެވެ. އޭގެ ތެރޭގައި ތަނަވަސް ވެއިޓިން އޭރިއާތަކާއި، ކުޑަކުދިންނާއެކު ހިތްފަސޭހަކޮށް ތިބެވޭނެ ގޮސް ވަނީ ފަހިވެފައެވެ.

ރާއްޖެއަކީ ޖަޒީރާ ގައުމަކަށްވެފައި، އެކި ރަށްރަށުގެ މެދުގައި ކުރެވޭ ދަތުރުތަކަކީ އާންމު ދިރިއުޅުމާއި، ސިއްހީ ޚިދުމަތްތަކާއި، ތައުލީމީ ބޭނުންތަކަށް ނުހަނު މުހިންމު ދަތުރުތަކެކެވެ. އެހެންކަމުން އެތެރޭގެ އުދުހުންތަކަށް ބޮޑު އަދި ޒަމާނީ ޓާމިނަލެއް ހަމަޖެހިގެންދިއުމަކީ ދިވެހިރާއްޖޭގެ ދަތުރުފަތުރުގެ ނިޒާމު އިތުރަށް ހަރުދަނާވެގެންދާނެ ކަމެކެވެ.

މި ބަދަލަކީ އެއާޕޯޓުގެ ކުރިއަށްހުރި ތަރައްގީގެ މަޝްރޫއުތަކުގެ ތެރެއިން އެކުލަވާލެވުނު އިންތިޒާމެކެވެ. ކުރިއަށް އޮތް ތަނުގައިވެސް އެތެރޭގެ އުދުހުންތަކުގެ އާބާދީއަށް އަންނަ ކުރިއެރުމާއެކު، ވެލާނާ އިންޓަނޭޝަނަލް އެއާޕޯޓުގެ ޚިދުމަތްތައް އިތުރަށް ފުޅާކުރުމަށް އެމްއޭސީއެލް އިން ވަނީ ރާވާފައެވެ.

ވިޔަފާރި

އިތުރަށް ←