އުފެއްދުންތެރިކަމުގެ ސައްލާ: ދިވެހި ހުނަރުވެރިންގެ ރޭ!
މިނިސްޓްރީ އޮފް އިކޮނޮމިކް ޑިވެލޮޕްމަންޓް، ޓްރާންސްޕޯޓް އެންޑް ޓްރޭޑާއި ބިޒްނަސް ސެންޓަރ ކޯޕަރޭޝަން ގުޅިގެން ބޭއްވި "ދިވެހީންގެ އުފެއްދުންތެރިކަމުގެ މައުރަޒު 2026" (މޯލްޑިވްސް އެކްސްޕޯ 2026) ގެ ފާހަގަކޮށްލެވޭ އިނާމު ދިނުމުގެ ރަސްމިއްޔާތު ކުލަގަދަގޮތެއްގައި ބާއްވައިފިއެވެ.
"ފިއުޗަރ މޯލްޑިވްސް – އީޖާދީ ކުރިއެރުން، އުފެއްދުންތެރިކަން އަދި ބައިނަލްއަޤުވާމީ ގުޅުންތައް" މި ޝިއާރުގެ ދަށުން ކުރިއަށްދާ މި ބޮޑު އެކްސްޕޯގެ އިނާމު ދިނުމުގެ ހަފުލާއަކީ ރާއްޖޭގެ އެކި ކަންކޮޅުތަކުން އުފެއްދުންތެރިންނާއި މަސައްކަތްތެރިންގެ ހުނަރު ވަޒަންކޮށް، ގައުމީ ފެންވަރުގައި ހިތްވަރު ދިނުމަށް ބޭއްވުނު މުހިންމު ހަރަކާތެކެވެ.
މި އަހަރުގެ މައުރަޒަކީ މިހާތަނަށް އެންމެ ބޮޑު ތަރުހީބެއް ލިބުނު އެއް މައުރަޒެވެ. މިގޮތުން 700 އަށްވުރެ ގިނަ ފަރާތަކުން ބައިވެރިވެ، 16 ދާއިރާއަކުން 73 ގިންތިއެއްގައި އުފެއްދުންތައް ވާދަކޮށްފައިވެއެވެ. އާންމު ފަރުދުންގެ އިތުރުން ރަށު ކައުންސިލްތަކާއި، ކުދި އަދި މެދުފަންތީގެ ވިޔަފާރިތަކާއި، ކިޔަވައިދޭ މުއައްސަސާތަކުގެ އިތުރުން ނުކުޅެދުންތެރިކަން ހުންނަ ފަރާތްތަކަށްވެސް މި މައުރަޒުގައި ބައިވެރިވުމުގެ ފުރުސަތު ހުޅުވާލާފައި އޮތުމަކީ މި ފަހަރުގެ އެންމެ ހާއްސަ އެއް ކަންތަކެވެ. ލޯކަލް އުފެއްދުންތައް މާކެޓަށް ނެރެ، އިގްތިސާދީގޮތުން ކުރިއެރުވުމަށް މަގުފަހިކޮށްދިން މި ރަސްމިއްޔާތުގައި ވަނީ އެކި ގިންތިތަކުން އެންމެ މޮޅު އުފެއްދުންތައް ހޮވައި، ރަންވަނަތައް ހާސިލްކުރި ފަރާތްތަކަށް އެވޯޑާއި ހަނދާނީ ލިޔުން ހަވާލުކޮށްފައެވެ.
Ads by BMLހުޅުމާލޭ ސެންޓްރަލް ޕާކުގައި ބޭއްވުނު މި މައުރަޒުގެ ތެރެއިން އީޖާދީ ދިވެހި އުފެއްދުންތަކުގެ އިތުރުން ޑިޖިޓަލް އިންޮވޭޝަނާއި، ކްރިއޭޓިވް އިކޮނޮމީ އަދި ދަނޑުވެރިކަމާއި ކާބޯތަކެތީގެ ގިނަ ބާވަތްތަކެއް ދައްކާލާފައިވެއެވެ. އިނާމު ދިނުމުގެ ރަސްމިއްޔާތުން ރަމްޒުކޮށްދިނީ ދިވެހި ޒުވާނުންނާއި ހުނަރުވެރިންގެ އަތްތެރި މަސައްކަތްތަކާއި ވިސްނުންތައް، ވިޔަފާރީގެ އުފެއްދުންތަކަކަށް ބަދަލުކޮށް، ދުނިޔޭގެ ބާޒާރާ ހަމައަށް ގެންދިއުމަށް ސަރުކާރުން ކުރަމުންދާ މަސައްކަތްތަކުގެ ކާމިޔާބީއެވެ. މި ރޭ ވެގެންދިޔައީ ދިވެހި ފަންނުވެރިކަމުގެ ސިނާއަތަށް އާ ދިރުމެއް ގެނެސްދިން، އުފާވެރި އަދި އެހާމެ ފަހުރުވެރި ރެއަކަށެވެ
Ads by MACL
