މުނޯޒްގެ ލަނޑުން ކޮންގޯ ބަލިކޮށް ކޮލަމްބިއާ ގަދަ 32 ގެ ބުރަށް ކޮލިފައިވެއްޖެ
ފީފާ ވޯލްޑް ކަޕް 2026 ގެ ގްރޫޕް ކޭ (K) ގައި ކޮލަމްބިއާ އާއި ޑީއާރު ކޮންގޯ ބައްދަލުކުރި ފޯރިގަދަ މެޗު 1-0 ގެ ނަތީޖާއަކުން ކޮލަމްބިއާ އިން ކާމިޔާބުކޮށްފިއެވެ.
މެކްސިކޯގެ އެސްޓާޑިއޯ ގުއަޑަލަހާރާ ދަނޑުގައި ކުޅުނު މި މެޗުން މޮޅުވުމާއެކު، ކޮލަމްބިއާ އަށް މިހާރު ވަނީ މުބާރާތުގެ ގަދަ 32 ގެ ބުރަށް (knockout stage) ދަތުރުކުރުން ކަށަވަރުވެފައެވެ.
މުޅި މެޗު ޑޮމިނޭޓްކޮށްގެން ކުޅުނު ކޮލަމްބިއާ އިން ވަނީ ކޮންގޯގެ ގޯލަށް ނުރައްކާތެރި 20 ހަމަލާއެއް އުފައްދާފައެވެ. ނަމަވެސް، ކޮންގޯގެ ގޯލްކީޕަރު ލިއޮނަލް އެމްޕާސީ ވަނީ މޮޅު ކުޅުމެއް ދައްކައި، ކޮލަމްބިއާގެ ގިނަ ހަމަލާތަކެއް ހުއްޓުވުމުގައި މުހިންމު ދައުރެއް އަދާކޮށްފައެވެ. އޭނާ ވަނީ މި މެޗުގައި ނުރައްކާތެރި 8 ސޭވްއެއް ބާލާފައެވެ.
Ads by BMLމެޗުގައި ކޮލަމްބިއާގެ ތަރި ލުއިސް ޑިއާޒް ލަނޑެއް ޖެހި ނަމަވެސް، އޮފްސައިޑްވުމުގެ ސަބަބުން ރެފްރީ އެ ލަނޑު ބަލައެއް ނުގަނެއެވެ. މެޗުގެ ހަމައެކަނި ލަނޑު ފެނިގެންދިޔައީ ދެވަނަ ހާފުގެ 76 ވަނަ މިނެޓުގައެވެ. މި ލަނޑު ކޮލަމްބިއާއަށް ކާމިޔާބުކޮށްދިނީ ޑެނިއަލް މުނޯޒް އެވެ.
މި ނަތީޖާއާއެކު ކޮލަމްބިއާ މިހާރު އޮތީ ކުޅުނު މެޗުތަކުން ލިބުނު 6 ޕޮއިންޓާއެކު ގްރޫޕްގެ އެއްވަނައިގައެވެ. އަދި ބަލިވި ޑީއާރު ކޮންގޯ އަށް ލިބިފައިވާ 1 ޕޮއިންޓާއެކު އެޓީމު މިހާރު އޮތީ ގްރޫޕްގެ ތިންވަނައިގައެވެ.
Ads by MACL
