ވޯލްޑް ބޭންކުން ސްރީލަންކާ 'އަޕަރ މިޑްލް އިންކަމް' ގައުމެއްގެ ގޮތުގައި ކަނޑައަޅައިފި
ވޯލްޑް ބޭންކް ގްރޫޕުން ސްރީ ލަންކާގެ އިގްތިސާދީ ދަރަޖަ މަތިކޮށް، ކުރިން އޮތް 'ލޯވަރ މިޑްލް އިންކަމް' ސްޓޭޓަސްއިން 'އަޕަރ މިޑްލް އިންކަމް' ގައުމެއްގެ ގޮތުގައި އަލުން ކެޓަގަރައިޒްކޮށްފިއެވެ.
ކޮލަމްބޯއިން ޖުލައި 1 ގައި ލިބުނު ޚަބަރުތައް ބުނާގޮތުން، ވޯލްޑް ބޭންކުން މި ބަދަލު ގެނައުމަށް ނިންމީ ނިމިދިޔަ 2025 ވަނަ އަހަރު ސްރީ ލަންކާގެ ހަގީގީ ޖީޑީޕީ ފަސް އިންސައްތައިގެ ކުރިއެރުމެއް ހޯދުމާ ގުޅިގެންނެވެ.
މި ނިންމުމާ އެކު، ފަހަކަށް އައިސް ބޮޑެތި އިގްތިސާދީ ދަތިތަކަކާ ކުރިމަތިލާންޖެހުނު ސްރީ ލަންކާ ވަނީ މެކްރޯ އިކޮނޮމިކް ހާލަތު ރަނގަޅުވެ، ކުރިއެރުމުގެ ބާރު އިތުރުވަމުންދާ މަތީ އާމްދަނީގެ އިގްތިސާދުތަކުގެ ލިސްޓަށް އަލުން އަރާފައެވެ.
Ads by BMLވޯލްޑް ބޭންކުން ދުނިޔޭގެ ގައުމުތަކުގެ އިގްތިސާދު މައިގަނޑު ހަތަރު ގްރޫޕަކަށް ބަހާލައިގެން ކެޓަގަރައިޒް ކުރެއެވެ. އެއީ ހައި އިންކަމް، އަޕަރ މިޑްލް އިންކަމް، ލޯވަރ މިޑްލް އިންކަމް، އަދި ލޯ އިންކަމް އެވެ.
މި ކެޓަގަރީތައް ކަނޑައެޅުމުގައި ބަލަނީ އެ ގައުމެއްގެ ބޮލަކަށް ޖެހޭ ގައުމީ އާމްދަނީ އަށެވެ. އަދި ވޯލްޑް ބޭންކުން ކޮންމެ އަހަރަކުވެސް މި ލިސްޓުތައް މުރާޖާކޮށް އަޕްޑޭޓް ކުރެއެވެ.
ނިއުސްވަޔަރުން ރިޕޯޓްކޮށްފައިވާ ގޮތުގައި، 2025 ވަނަ އަހަރު ރެކޯޑް ކުރެވުނު އިގްތިސާދީ ދިރުމަށް ފަހު ލިބުނު މި އަޕްގްރޭޑަކީ، ދުނިޔޭގެ މާލީ ފްރޭމްވޯކްގެ ތެރޭގައި ސްރީ ލަންކާގެ އިގްތިސާދީ މަގާމަށް އައި ފާހަގަކޮށްލެވޭ ފަހި ބަދަލެކެވެ.
ސްރީ ލަންކާއެކޭ އެއްގޮތަށް ދިވެހިރާއްޖެ ވެސް އޮތީ 'އަޕަރ މިޑްލް އިންކަމް' ނުވަތަ މެދު ފަންތީގެ މަތީ އާމްދަނީ ލިބޭ ގައުމުތަކުގެ ލިސްޓްގައެވެ.
Ads by MACL
