އީރާނާއި އެމެރިކާގެ މައްސަލަ ގޯސްވެ، ސައުދީއާއެކު ނިއުކްލިއާ އެއްބަސްވުމެއް ގާއިމުކޮށްފި
އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯ އީރާނަށް ވަރުގަދަ އިންޒާރެއް ދެއްވުމާ ގުޅިގެން މެދުއިރުމަތީގެ މަސްރަހު ވަރަށް ބޮޑަށް ހޫނުވެއްޖެއެވެ.
ވިދިވިދިގެން 12 ވަނަ ރޭ އެމެރިކާއިން އީރާނަށް ދިން ވައިގެ ހަމަލާތަކެއްގައި ދެ މީހުން މަރުވެ 11 މީހުން ވަނީ ޒަހަމްވެފައެވެ.
މެނީލާގައި ކުރިއަށްދާ އާސިއާން ސަމިޓުގެ ހަވާސާގައި މާކޯ ރޫބިއޯ ވިދާޅުވި ގޮތުގައި އީރާނުން ދަނީ އެއްބަސްވުމަކަށް އައުމަށް ސަލާންޖަހަމުންނެވެ. އަދި އީރާނުން ކުރަމުންދާ ކަންކަމުގެ ސަބަބުން ވަރަށް ބޮޑު އަގެއް ދައްކަންޖެހޭނެކަމަށް އޭނާ އިންޒާރުދެއްވިއެވެ. އިރާގާއި އީރާނު ގުޅޭ ޝަލަމްޗޭ ބޯޑަރު ސަރަހައްދަށް އެމެރިކާއިން ދިން ހަމަލާތަކަކީ މި އިންޒާރާ ގުޅިގެން ދިން ހަމަލާތަކެއްކަމަށް ބެލެވެއެވެ. މި ހަމަލާތަކުގެ ސަބަބުން ދެ ގައުމުގެ ދެމެދުގައި އޮތް ނުތަނަވަސްކަން ވަނީ އިތުރަށް ގޯސްވެފައެވެ.
Ads by BMLއީރާނުގެ އިސްލާމިކް ރިވޮލިއުޝަނަރީ ގާޑް ކޯޕްސްއިން ހާމަކޮށްފައިވާ ގޮތުގައި ހުރުމޫޒް ކަނޑުއޮޅީގައިވާ ތެޔޮ ޓޭންކަރެއްގައި ވަނީ އަލިފާން ރޯވެފައެވެ. އަދި ރަތް ކަނޑުގައިވާ ސައުދީ އަރަބިއްޔާގެ ދެ ތެޔޮ ޓޭންކަރަކަށް ހަމަލާދީފައިވާކަމަށް ޔަމަނުގެ ހޫތީން ވަނީ ބުނެފައެވެ. އެމެރިކާގެ ރައީސް ޑޮނަލްޑް ޓްރަމްޕް ވަނީ ހުރުމޫޒް ކަނޑުއޮޅީގައިވާ ބޯޓަކަށް އީރާނުން ހަމަލާދީފިނަމަ ބަދަލުގައި އީރާނުގެ ބްރިޖަކަށް ނުވަތަ ކަރަންޓު އުފައްދާ މަރުކަޒަކަށް ހަމަލާދޭނެކަމުގެ އިންޒާރު ދެއްވާފައެވެ. މިކަމަށް ރައްދުދެއްވައި އީރާނުގެ ހާރިޖީ ވަޒީރު އައްބާސް އަރަގްޗީ ވިދާޅުވީ އީރާނުގެ ދިފާއީ ސިޔާސަތަކީ ލޮލަކަށް ލޮލެއްގެ އުސޫލުކަމަށެވެ.
މި ނުތަނަވަސްކަމުގެ ތެރޭގައި އެމެރިކާއާއި ސައުދީ އަރަބިއްޔާއިން ވަނީ ނިއުކްލިއާ ހަކަތައާ ގުޅޭ ވަރަށް މުހިންމު އެއްބަސްވުމެއްގައި ސޮއިކޮށްފައެވެ. މި އެއްބަސްވުމުގެ ދަށުން ސައުދީ އަރަބިއްޔާއަށް މަދަނީ ބޭނުންތަކަށް ޔުރޭނިއަމް ފައްކާކުރުމުގެ ގާބިލުކަން ލިބިގެންދާނެއެވެ. މިއީ މެދުއިރުމަތީގެ ސަލާމަތީ ކަންކަމަށް ވަރަށް ބޮޑު ބަދަލެއް ގެނުވާނެ އެއްބަސްވުމެކެވެ.
Ads by MACL
