ހުރުމުޒު ކަނޑުއޮޅިން ދަތުރުކުރަން އުޅުނު ތެޔޮ އުޅަނދަކަށް ހަމަލާދީ ރޯކޮށްލައިފި
އީރާނުގެ ހުއްދައެއް ނެތި ހުރުމުޒު ކަނޑުއޮޅިން ދަތުރުކުރަން އުޅުނު ތެޔޮ އުޅަނދަކަށް ހަމަލާދިނުމުގެ ސަބަބުން އެ އުޅަނދުގައި ރޯވެ، އޯމާންގެ އައްސޭރިފަށާ ދިމާއަށް މިސްރާބުޖަހިފައިވާ ކަމަށް ރިޕޯޓްތައް ބުނެފިއެވެ.
އޯމާން ކަނޑުގެ ސަރަހައްދުގައި ހިނގި މި ހާދިސާގައި އަނދަމުންދާ މި ތެޔޮ އުޅަނދަށް ހަމަލާދީފައިވަނީ ސީދާ ކޮން ބައެއްކަން އަދި ކަށަވަރުވެފައެއް ނުވެއެވެ.
މި ހާދިސާ ހިނގާފައިވަނީ އެމެރިކާއާއި އީރާނާ ދެމެދު އުފެދިފައިވާ ހަނގުރާމަވެރި ނުވަތަނަވަސްކަމުގެ ތެރޭގައި، ހުރުމުޒު ކަނޑުއޮޅި ބަންދުކުރުމާ ގުޅިގެން ދުނިޔޭގެ ހަކަތައިގެ ބާޒާރަށް ބޮޑެތި ގޮންޖެހުންތަކެއް ކުރިމަތިވެފައިވާ ދަނޑިވަޅެއްގައެވެ. އީރާނުން ދަނީ އެ ގައުމުގެ ހުއްދައާ ނުލައި އެ ސަރަހައްދުން ދަތުރުކުރާ އުޅަނދުފަހަރަށް ހުރަސްއަޅައި ފިޔަވަޅު އަޅަމުންނެވެ.
Ads by BMLhttps://twitter.com/HormuzLetter/status/2086564005749920019
މި ހަމަލާއާއެކު މެދުއިރުމަތީގެ މަޝްރަހު އިތުރަށް ގޯސްވެ، ތެޔޮ އުފުލާ މުހިންމު ކަނޑުގެ މަގުތަކުގެ ރައްކާތެރިކަމާމެދު ވަނީ ބޮޑެތި ކަންބޮޑުވުންތަކެއް އުފެދިފައެވެ.
ސަރަހައްދީ ގައުމުތަކުންނާއި ބައިނަލްއަގުވާމީ ފަރާތްތަކުން ދަނީ މި ހާދިސާގެ އިތުރު ތަފްސީލު ހޯދުމަށާއި، ކަނޑުގެ ދަތުރުފަތުރަށް ކުރާނެ އަސަރުތައް ވަޒަންކުރަމުންނެވެ.
Ads by MACL
