ބުދަ، 18 ނޮވެމްބަރު 2026
ސިޔާސީ

ޕާޓީއަށް ލިބޭ ހުރިހާ ފޯމެއް އިލެކްޝަނަށް ފޮނުވާނަން، ހެޔޮ ކޮންމެ މީހަކަސް: މެމްބަރު މުހައްމަދު އިސްމައިލް

ވިލިމާލެ ދާއިރާގެ މެމްބަރު މުހައްމަދު އިސްމައިލް /ފޮޓޯ: މަޖިލިސް މީޑިއާ
ވިލިމާލެ ދާއިރާގެ މެމްބަރު މުހައްމަދު އިސްމައިލް /ފޮޓޯ: މަޖިލިސް މީޑިއާ

ޕާޓީއަށް ލިބޭ ހުރިހާ ފޯމެއް އިލެކްޝަނަށް ހުށައަޅާނެ ކަމަށާއި ފޯމްތަކުގެ ސައްހަކަން ކަށަވަރު ކުރާނީ ޕާޓީތަކުން ނޫންކަމުގައި ވިލިމާލެ ދާއިރާގެ މަޖިލިސް މެމްބަރު މުހައްމަދު އިސްމައިލް ވިދާޅުވެއްޖެއެވެ.

މެމްބަރު އެކްސްގައި ކުރެއްވި ޕޯސްޓެއްގައި ބުނެފައިވާ ގޮތުގައި ޕާޓީއަަށް ހެޔޮއެދޭ ފަރާތްތަކުން ހުށައަޅާ ފޯމްތަކުގެ ސައްހަކަން ކަށަވަރު ކުރެވޭނެ ގޮތެއް އެއްވެސް ސިޔާސީ ޕާޓީއެއްގައި ނުހުންނާނެ ކަމަށާއި، އެކަންކަން ކުރަންވާނީ ޕާޓީތަކުގެ ބެލެނެވެރިފަރާތުން ކަމުގައެވެ.

އަދި ޕާޓީއަށް އަންނަ ހުރިހާ ޕޯމެއް ގަވާއިދުން އިލެކްޝަނަށް ހުށައަޅަމުން ގެންދާނެކަމަށެވެ.

މެމްބަރު މިހެން ވިދާޅުވެފައިވަނީ ޕާޓީތަކަށް މީހުން ވެއްދުމުގައި ގޯސް ފޯމްތަކެއް އިލެކްޝަން ކޮމިޝަނަށް ހުށައަޅާފައިވާ ދަނޑިވަޅެއްގައެވެ. މިކަމާއި ގުޅިގެން އިލެކްޝަނުންވަނީ ވަގުތީ ގޮތުން ޕާޓީތަކަށް މީހުން ވެއްދުން މަދުކަނޑާލާފައެވެ. އެހެންނަމަވެސް މީހުން ވަކިވުމުގެ އިޚްތިޔާރުވަނީ ދީފައެވެ.

އިލެކްޝަނުން މިހާރު ނިންމާފައިވަނީ އަންނަ މަހުގެ 15 ވަނަ ދުވަހުން ފެށިގެން އީފާސް މެދުވެރިކޮށް ޕާޓީތަކަށް މެމްބަރުން ވަނުމުގެ ފުރުސަތު ދިނުމަށެވެ.