ވަހުމާއި ޝައްކު އުފައްދާ ބަޔަކު ތިއްބަސް، ޤައުމުގެ ބުއްދިވެރިން ތިބީ ރައީސް މުޢިއްޒާއެކު: ޢަބްދުއްރަޙީމް
ވަހުމާއި ޝައްކު އުފައްދާ ބަޔަކު ތިބި ނަމަވެސް، ޤައުމުގެ ހަރުދަނާ، ހޭލުންތެރި އަދި ވިސްނުންތެރި ބުއްދިވެރިން ތިބީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރާއެކުގައިކަން އަދާލަތު ޕާޓީން ސަރުކާރާ ގުޅުމުން ސާބިތުވެގެން ހިނގައްޖެ ކަމަށް ރައްޔިތުންގެ މަޖިލީހުގެ ރައީސް އަދި ޕީއެންސީގެ ޗެއާޕާސަން ޢަބްދުއްރަޙީމް ޢަބްދުﷲ ވިދާޅުވެއްޖެއެވެ.
ޢަބްދުއްރަޙީމް މިހެން ވިދާޅުވީ، ޕީޕަލްސް ނޭޝަނަލް ކޮންގްރެސް (ޕީއެންސީ) އާއި އަދާލަތު ޕާޓީ ގުޅިގެން ސިޔާސީ ގޮތުން މަސައްކަތްކުރުމުގެ ރަސްމީ އެއްބަސްވުމުގައި ސޮއިކުރުމަށް ބާސެލޯ ނަސަންދުރާ ހޮޓަލުގައި މިއަދު ބޭއްވި ޚާއްޞަ ރަސްމިއްޔާތުގައި ވާހަކަފުޅު ދައްކަވަމުންނެވެ.
މި ރަސްމިއްޔާތުގައި ވާހަކަފުޅު ދައްކަވަމުން ޢަބްދުއްރަޙީމް ވިދާޅުވީ، މާތްވެގެންވާ އިސްލާމްދީނުގެ އަސާސްތައް ނަގަހައްޓައި ދެމެހެއްޓުމުގެ މަތިވެރި މަޤްޞަދުގައި އުފެއްދި ސިޔާސީ ޕާޓީއަކުން ރައީސް ޑރ. މުޢިއްޒުގެ ސަރުކާރުގައި ބައިވެރިވުމަށް ނިންމުމުން އެނގިގެންދަނީ، ދިވެހި ރައްޔިތުންގެ ހިތުގައި މި ސަރުކާރަށް އޮތް އިތުބާރާއި ޔަޤީންކަން ކަމަށެވެ.
Ads by BMLމީގެ އިތުރުން، ޤައުމުގެ ބޮޑު ބައި ވިސްނުންތެރި ބުއްދިވެރިން ތިބީ ރައީސް ޑރ. މުޙައްމަދު މުޢިއްޒުގެ ސަރުކާރާއެކު އެ މަނިކުފާނުގެ ސިޔާސަތުތައް ޤަބޫލުކޮށް، އެ މަނިކުފާނަށް ތާއީދު ދެއްވަން ތައްޔާރަށްކަން އަދާލަތު ޕާޓީގެ މި ނިންމުމުން ވަރަށް ސާފުކޮށް ދައްކައިދޭ ކަމަށްވެސް ރައްޔިތުންގެ މަޖިލީހުގެ ރައީސް ވިދާޅުވިއެވެ.
Ads by MACL
