އެސްޓީއޯ ރަމަޟާން ބާޒާރު 2027 ރަސްމީކޮށް ފަށައިފި؛ ބޮޑު އިނާމަކަށް އެއްލައްކަ ރުފިޔާ
އެސްޓީއޯ ޖެނެރަލް ޓްރޭޑިންގުން ކޮންމެ އަހަރެއްގެ ރޯދަމަހާ ދިމާކޮށް ކުރިއަށްގެންދާ "އެސްޓީއޯ ރަމަޟާން ބާޒާރު 2027" މިއަދު ރަސްމީކޮށް ފަށައިފިއެވެ.
1448 ވަނަ އަހަރުގެ ރޯދަމަހަށް ޚާއްޞަކޮށްގެން ފެށި މި ޕްރޮމޯޝަން އިފްތިތާޙްކުރުމަށް އެސްޓީއޯ ޕީޕަލްސް ޗޮއިސްގައި މިއަދު ބޭއްވި ޚާއްޞަ ރަސްމިއްޔާތު ޝަރަފުވެރިކޮށްދެއްވީ މިނިސްޓްރީ އޮފް ފިނޭންސް އެންޑް ޕަބްލިކް އެންޓަރޕްރައިސަސްގެ ސްޓޭޓް މިނިސްޓަރ އަލްފާޟިލް ޙުސައިން ޝާމް އާދަމެވެ.
Ads by BMLމި އަހަރުގެ ރަމަޟާން ބާޒާރު ކުރިއަށްދާނީ މިއަދުން ފެށިގެން އަންނަ އަހަރުގެ މާރިޗު މަހުގެ 10 ވަނަ ދުވަހުގެ ނިޔަލަށެވެ. މި މުއްދަތުގެ ތެރޭގައި އެސްޓީއޯ ޕީޕަލްސް ޗޮއިސްގެ މާލެ، ހުޅުމާލެ އަދި އަތޮޅުތެރޭގެ ރީޖަނަލް އައުޓްލެޓްތަކުން ވިޔަފާރިކުރާ ކަސްޓަމަރުންނަށް ގިނަ އިނާމުތަކާއި ޚާއްޞަ ޑިސްކައުންޓްތަކެއް ލިބިގެންދާނެއެވެ.
މި ޕްރޮމޯޝަންގެ ދަށުން ލިބޭ ޚާއްޞަ ފުރުޞަތުތައް:
• ބޮޑު އިނާމު: ޕްރޮމޯޝަން ނިމުމުން، ލަކީޑްރޯގައި ބައިވެރިވާ ފަރާތްތަކުގެ ތެރެއިން ގުރުއަތުން ހޮވޭ ނަސީބުވެރި އެއް ފަރާތަކަށް 100،000 ރުފިޔާގެ ފައިސާގެ އިނާމު.
• ޑިސްކައުންޓް: ކަނޑައެޅިފައިވާ ޚާއްޞަ އުފެއްދުންތަކުން 50 އިންސައްތައާ ހަމައަށް ޑިސްކައުންޓް.
• ގިފްޓް ވައުޗަރު: 500 ރުފިޔާއިން މަތީގެ ވިޔަފާރިކުރާ ކަސްޓަމަރުންގެ ތެރެއިން ކޮންމެ ދެ ހަފުތާއަކުން ގުރުއަތުން ހޮވޭ ދެ ފަރާތަކަށް 2،500 ރުފިޔާގެ ގިފްޓް ވައުޗަރު.
• ވަގުތުން ލިބޭ ހަދިޔާ: 5،000 ރުފިޔާއިން މަތީގެ ވިޔަފާރިކުރާ ކަސްޓަމަރުންނަށް ޚާއްޞަ "ހަދިޔާ ގުޅި" އިން ވަގުތުން ހަދިޔާ ހޯދުމުގެ ފުރުޞަތު.
މި ރަސްމިއްޔާތުގެ ތެރެއިން، އެސްޓީއޯ ޕީޕަލްސް ޗޮއިސްގެ ފުރަތަމަ ފަންގިފިލާގައި މަޝްހޫރު ފްރެންޗައިޒް "ކޮފީ ބީންސް އެންޑް ޓީލީވްސް" ގެ އައުޓްލެޓެއްވެސް ވަނީ ރަސްމީކޮށް ހުޅުވާފައެވެ. މިއީ ހުޅުމާލެއަށްފަހު މާލޭގައި ހުޅުވުނު މި ފްރެންޗައިޒްގެ ފުރަތަމަ އައުޓްލެޓެވެ. މީގެ އިތުރުން، ކަސްޓަމަރުންނަށް ލުއިފަސޭހަކަމާއެކު ވިޔަފާރިކުރެވޭނެ މާޙައުލެއް ޤާއިމުކުރުމަށްޓަކައި، އެސްޓީއޯ ޕީޕަލްސް ޗޮއިސް އިތުރަށް ތަނަވަސްކޮށް ބޮޑުކޮށްފައިވާ ސަރަޙައްދުވެސް މިއަދު ވަނީ އާންމުންނަށް ހުޅުވާލާފައެވެ.
އެސްޓީއޯ ޖެނެރަލް ޓްރޭޑިންގުން ކޮންމެ އަހަރަކުވެސް ކުރިއަށްގެންދާ ރަމަޟާން ބާޒާރަކީ، ރޯދަމަހަށް ގޭބިސީތަކަށް ބޭނުންވާ ހިފާގެންގުޅޭ ސާމާނު ހެޔޮއަގުގައި އާންމުންނަށް ފޯރުކޮށްދިނުމުގެ މަޤްޞަދުގައި ބާއްވާ ޕްރޮމޯޝަނެކެވެ.
Ads by MACL
