ޒުވާނުން ބާރުވެރިކުރުމަށް 4,061 ޒުވާނުންނަށް ލޯނު ފެސިލިޓީ ހަމަޖައްސައިދީފިން: ރައީސް
ދިވެހި ޒުވާނުން އިޤްތިޞާދީ ގޮތުން ބާރުވެރިކުރުވައި، އަމިއްލަ ވިޔަފާރިތަކާއި މަސައްކަތްތައް ފެށުމަށް އެހީތެރިވުމުގެ ގޮތުން، މިހާތަނަށް 4,061 ޒުވާނުންނަށް ލޯނު ފެސިލިޓީ ހަމަޖައްސައިދީފައިވާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިޢުލާންކުރައްވައިފިއެވެ.
ރައީސުލްޖުމްހޫރިއްޔާ މިކަން ހާމަކުރެއްވީ، ރައްޔިތުންގެ ސަރުކާރަށް ތިން އަހަރު ފުރުން ފާހަގަކުރުމުގެ ގޮތުން މިރޭ ބާއްވަމުންދާ ރަސްމީ ޖަލްސާގައި ޤައުމާ މުޚާޠަބުކުރައްވައި ދެއްކެވި ވާހަކަފުޅުގައެވެ.
މި ޖަލްސާގައި ވާހަކަފުޅު ދައްކަވަމުން އެމަނިކުފާނު ވިދާޅުވީ، ޤައުމުގެ ކުރިއެރުމާއި ތަރައްޤީގައި ޒުވާނުންގެ ޙިއްޞާ އިތުރުކުރުމަކީ ސަރުކާރުގެ އެންމެ މުހިންމު އެއް ސިޔާސަތު ކަމަށެވެ. މިގޮތުން، އަމިއްލަ ފައިމައްޗަށް ތެދުވެ، ވިޔަފާރީގެ ދާއިރާއިން ކުރިއަށްދާން ބޭނުންވާ ޒުވާނުންނަށް މާލީ އެހީތެރިކަން ފޯރުކޮށްދިނުމަށް ސަރުކާރުން ޚާއްޞަ އިސްކަމެއް ދެއްވާފައިވާކަން އެމަނިކުފާނު ފާހަގަކުރެއްވިއެވެ.
Ads by BMLފާއިތުވި ތިން އަހަރުގެ ތެރޭގައި 4,061 ޒުވާނުންނަށް ލޯނު ފެސިލިޓީ ހަމަޖައްސައިދެވިފައިވުމަކީ، ޒުވާން ވިޔަފާރިވެރިން އުފެއްދުމަށާއި ޤައުމީ އުފެއްދުންތެރިކަން އިތުރުކުރުމަށް ސަރުކާރުން ކުރަމުންދާ މަސައްކަތްތަކަށް ލިބުނު ވަރަށް ބޮޑު ކާމިޔާބީއެއް ކަމަށް ރައީސުލްޖުމްހޫރިއްޔާ ވިދާޅުވިއެވެ.
Ads by MACL
